Justin Bieber នៅតែជាស្នេហ៍ពិតរបស់ Selena Gomez?

2017-11-01 03:59:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Selena Gomez បានត្រលប់មកកាន់ជីវិតទំនេរគ្មានគូស្នេហ៍វិញបន្ទាប់ពីបែកបាក់ជាមួយ The Weeknd ថ្មីៗនេះ ខណៈពេលដែលប្រភពជាច្រើនបានបានបញ្ជាក់ថាសង្សារចាស់នាង Justin Bieber កំពុងតែចង់ទាក់ទងគ្នាវិញ។ ក៏ប៉ុន្តែទោះជាយ៉ាងណាក៏ដោយ The Weeknd ក៏នៅតែជាមនុស្សម្នាក់ដែលពិសេសបំផុតសម្រាប់ Selena។

ប្រភពមួយបានប្រាប់ទស្សនាវដ្ដី Us Weekly ថា បន្ទាប់ពីតារាចម្រៀងវ័យ ២៥ឆ្នាំរូបនេះបែកបាក់ជាមួយ Justin Bieber ប្រុសៗដែលនាងទាក់ទងគឺសុទ្ធតែជា មនុស្សកំដរអារម្មណ៍ក្នុងរយៈពេលខ្លះ តែប៉ុណ្ណោះ។ រឿងរ៉ាវស្នេហារបស់នាងនិង Justin គឺរង្គោះរង្គើខ្លាំង រហូតដល់ថ្នាក់បែកគ្នាកាលពីឆ្នាំ ២០១៤ ប៉ុន្តែ Justin គឺជាបុរសម្នាក់គត់ដែលឆក់យកបេះដូងនាង ហើយក៏ជាស្នេហ៍ពិតផងដែរ។

ចំណែកឯ The Weeknd វិញក៏បានធ្វើឲ្យ Selena បាក់ចិត្តលើមិនតិចដែរ។ Abel (The Weeknd) បានធ្វើឲ្យ Selena បានស្គាល់ពីអារម្មណ៍ស្នេហាម្ដងទៀត និងចុះសម្រុងគ្នាខ្លាំងធ្វើឲ្យអ្នកទាំងពីរទាក់ទងគ្នារហូតដល់ទៅជាង១០ខែ។ ដោយសារតែនាងនៅតែមានចិត្តចំពោះ Justin ដូច្នេះហើយទើបនាងក៏សម្រេចចិត្ត ធ្វើតាមចិត្តខ្លួននិងបែកគ្នាជាមួយ The Weeknd។

ប្រភពមួយបានបញ្ជាក់ថា Justin Bieber បានព្យាយាមផ្ញើសារទៅកាន់ Selena មិនចេះឈប់ ហើយព្យាយាមចេញទៅក្រៅដើរលេងជាមួយនាងគ្រប់ពេល។ តារាពីររូបនេះត្រូវបានគេប្រទះឃើញ ចំណាយពេលជាមួយគ្នាជាញឹកញាប់ថ្មីៗ នេះរហូតធ្វើឲ្យអ្នកខ្លះសង្ស័យថាពួកគេចាប់ផ្ដើមទាក់ទងគ្នាឡើងវិញ។

ក៏ប៉ុន្តែសម្រាប់ពេលនេះ ប្រភពមួយបានបញ្ជាក់ថា Selena មិនទាន់ចង់ទាក់ទង នរណាម្នាក់ភ្លាមៗនោះទេ នាងសប្បាយចិត្តជាមួយនឹងជីវិតរបស់នាងនៅពេលនេះ។ ទោះជាយ៉ាងណាក៏ដោយ Selena និង Justin តែងតែមានកន្លែងពិសេសរៀងៗខ្លួននៅក្នុងបេះដូងអ្នកទាំងពីរ៕