តារាល្បីៗ ៨ ដួងណាខ្លះ ស្អប់តារាស្រី Kylie Jenner ពេញទំហឹង?

2017-11-06 05:15:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាតារាមួយរូប មិនខ្វះទេ អ្នកដែលស្រឡាញ់ចូលចិត្ត និងអ្នកដែលមិនចូលចិត្ត។ ក្នុងចំណោមតារាទាំងនោះ Sabay សូមលើកយកតារាម៉ូដែលដ៏ល្បី គឺនាងKylie Jenner ដែលមានអ្នកគាំទ្រច្រើនគួរសមក្នុងចង្កោមសិល្បៈ តែក៏សម្បូរអ្នកស្អប់ដែរ ជាពិសេសតារាគ្នាឯង។ តើមានតារាណាខ្លះដែលមិនចូលចិត្ត និងមិនអាចទ្រាំនឹងចរិតរបស់ Kylie Jenner បាន?

១. តារាចម្រៀង Selena Gomez

Kylie Jenner និងSelena Gomez ធ្លាប់តែជាមិត្តភក្តិដ៏ល្អជាមួយគ្នា តែក្រោយមក ពួកគេបែជាប្រែក្លាយទៅជាសត្រូវ ដោយសារតែតារាម៉ូដែលរូបនេះ (Kylie) បានលួចទាក់ទងអតីតមិត្តប្រុស( Justin Bieber) របស់ Selena ស្ងាត់ៗ។

២. តារាចម្រៀង Taylor Swift

ដោយសារ ម្ចាស់បទ “Blank Space” រូបនេះ គឺជាមិត្តល្អរបស់ Selena ដូចនេះ នាងក៏ស្អប់ Kylie តាមនោះដែរ។

៣. តារាម៉ូដែល Blac Chyna

Blac Chyna ពិតជាស្អប់ Kylie Jenner ខ្លាំងណាស់។ មូលហេតុ ដោយសារអតីតស្វាមីរបស់នាង តារារ៉េប Tyga បានទាក់ទងជាមួយ Kylie។

៤. តារាម៉ូដែល Amber Rose

មិត្តភក្តិតែងតែជួយគ្នាមែនទេ? ពិតណាស់! នៅក្នុងកិច្ចសម្ភាសន៍ជាមួយ The Breakfast Club តារាម៉ូដែល Amber Rose ដែលត្រូវជាមិត្តភក្តិរបស់ Blac Chyna បានប្រាប់ថានាងពិតជាមិនសប្បាយចិត្តទេដែលមនុស្សប្រុសម្នាក់ដែលមានប្រពន្ធហើយ មានកូនហើយទៅទាក់ទងជាមួយស្រីក្មេង (Kylie) ទៀតនោះ។

៥. តារាម៉ូដែល Kendall Jenner

Kendall Jenner បានបញ្ចប់ទំនាក់ទំនងជាមួយបងស្រីរបស់ខ្លួនដែរ។ ប៉ុន្តែមិនមែនមានន័យថានាងស្អប់ Kylie ខ្លាំងនោះទេ នេះក៏ដោយសារ តារាស្រីរូបនេះ និងបងស្រី មិនសូវចុះសម្រុងនឹងគ្នា ហើយតែងតែឈ្លោះគ្នា ទោះបីជារឿងនោះមិនសូវធំដុំក៏ដោយ។

៦. តារាសម្ដែង Jaden Smith

មានពាក្យចចាមអារ៉ាមថា Jaden Smith មិនត្រូវគ្នាជាមួយ Kylie Jenner តាំងពីឆ្នាំ ២០១៤ មកម៉្លេះ។

៧. តារាចម្រៀង Justin Bieber

ប្រិយមិត្តប្រហែលជាគិតថា Justin និង Kylie ពិតជាមានទំនាក់ទំនងជាមួយគ្នាមែនហើយបានជា Selena ឈប់និយាយរក Justin បែបនេះ? ការពិតទំនាក់ទំនងនេះបានធ្វើឲ្យ Justin ខឹងជាខ្លាំង ដោយសារពួកគេទាំង២ (Justin និងKylie) គ្មានអ្វីនឹងគ្នានោះទេ។ មិនតែប៉ុណ្ណោះ លោកបានបន្ទោស Kylie ថាជាដើមហេតុធ្វើឲ្យលោក និង Selena បែកគ្នា។

៨. តារាចម្រៀង Demi Lovato

កាលពីប៉ុន្មានឆ្នាំមុន មានរឿងមួយធ្វើឲ្យតារាចម្រៀង Demi Lovato មិនចូលចិត្ត Kendall និងKylie ខណៈមានព័ត៌មានថា នាងជាអ្នកនិយាយមិនល្អពី បងប្អូនស្រី ២នាក់នេះ។ ពាក្យចចាមអារ៉ាមនោះបានលើកឡើងថា Demi ជាអ្នកប្រាប់គេគ្រប់គ្នា ថា Kendall និង Kylie មិនមែនជាតារាល្បី ហើយក៏គ្មានអ្វីត្រូវល្បីដែរ។ តាមពិតព័ត៌មាននេះ Demi មិនបានដឹងរឿងទេ ហើយក្រោយពីចេញមុខបកស្រាយច្បាស់ការយ៉ាងណាក្ដី ក៏មិនបានធ្វើឲ្យបងប្អូនស្រីត្រកូល Jenner ជឿនោះដែរ។ តាំងពីពេលនោះមក ទំនាក់ទំនងរបស់តារាស្រីទាំង ៣ក៏ចាប់ផ្ដើមមិនល្អនឹងគ្នា៕

ប្រភព៖ facebook ប្រែសម្រួល៖ អន សុភក្ត្រា