កុមារី ជូលី ថតរឿងខ្នាតធំ១ថ្ងៃតម្លៃខ្លួនមិនចាញ់តារាល្បីៗ

2017-11-07 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កុមារី ជា វណ្ណពុទ្ធាលី ហៅ ជូលី ទើបតែមានវ័យ ១០ ឆ្នាំសោះតែតម្លៃខ្លួននាង ថតខ្សែភាពយន្តខ្នាតធំ១ថ្ងៃតម្លៃខ្លួនទទួលបានមិនចាញ់តារាល្បីៗជួរមុខរបស់កម្ពុជាប៉ុន្មានឡើយ។

បើតាមអ្នកម្ដាយ ជូលី បានលើកឡើងថា គិតចាប់តាំងពីចូលប្រឡូកសិល្បៈមកដល់ពេលនេះកូនស្រីរបស់អ្នកស្រីបានថតខ្សែភាពយន្តភាគ និងរឿងខ្នាតធំមិនក្រោម ២០ រឿងឡើយ។ ចំណែកតម្លៃខ្លួនក៏ទទួលបានខុសគ្នាដែរចំពោះរឿងខ្នាតធំ និងភាគ។

ថតរឿងខ្នាតធំក្នុង១ថ្ងៃ ជូលី ទទួលបានតម្លៃខ្លួន ៥០០ ដុល្លារអាមេរិក។ ដោយឡែកសម្រាប់រឿងភាគវិញតម្លៃខ្លួនគឺខុសគ្នាឆ្ងាយ ព្រោះរឿងភាគថត ១ ថ្ងៃបានតម្លៃចន្លោះពី ៧០ ទៅ ៨០ ដុល្លារអាមេរិកតែប៉ុណ្ណោះ អាស្រ័យទៅលើរឿងវែងឬខ្លីទីតាំងជិតឬឆ្ងាយ។ ម្ដាយ ជូលី បន្ថែម។

កុមារី ជា វណ្ណពុទ្ធាលី ហៅ ជូលី ជាកូនអ្នកភ្នំពេញ មានបងប្អូន២ នាក់ អាយុ ១០ ឆ្នាំ រៀនថ្នាក់ទី៥ នៅសាលាបឋមសិក្សា អនុវត្តន៍ភ្នំពេញ ជាកូនច្បងក្នុងគ្រួសារមានបងប្អូន ២ នាក់រូបនាង និងប្អូនប្រុស។ កន្លងមក ជូលី ធ្លាប់សម្ដែងរឿងមួយចំនួនដូចជារឿង "ស្រទន់មន្តស្នេហ៍" “គ្រាប់បាល់អង្រួនបេះដូង" “អ្នកមេម៉ាយមានលាភ" “ញើសពណ៌ក្រហម" “ ស្លឹកចាក" “ ថ្ងៃណាកូនមានម្ដាយ" “មុនដំបូងខ្មែរក្រហមសម្លាប់ប៉ាខ្ញុំ" “ពស់កេងកង" និងជាច្រើនរឿងទៀត៕

អត្ថបទ៖ ឆុង ស៊ីណាន