iPhone X ស្រួយជាង iPhone 8 ចង់ជួសជុលចាយលុយច្រើន

2017-11-07 02:16:56
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple ធ្លាប់បានអះអាងថាផ្ទាំងកញ្ចក់ដែលប្រើលើ iPhone 8/8 Plus និង iPhone X ជាផ្ទាំងកញ្ចក់ដែលរឹងមាំជាងគេបំផុត។ ប៉ុន្តែតាមការធ្វើតេស្តរបស់ក្រុមការងារ Square Trade បញ្ជាក់ឲ្យឃើញថាផ្ទាំងកញ្ចក់នេះមិនរឹងមាំប៉ុន្មានឡើយ។

លទ្ធផលនៃការធ្វើតេស្តបង្ហាញថា iPhone 8 ទទួលបានពិន្ទុ ៦៧ លើកម្រិតដែលអាចខូចខាត និង iPhone 8 Plus ទទួលបានពិន្ទុ ៧៤។ ចំពោះ Galaxy Note 8 ទទួលបានពិន្ទុ ៨០។ ចំណែកឯ iPhone X ទទួលបានពិន្ទុដល់ ៩០ ឯណោះ។

ទស្សនាវីដេអូខាងក្រោមនឹងដឹងថាហេតុអ្វី iPhone X ទទួលបានពិន្ទុខ្ពស់បែបនេះ។ គ្រាន់តែតេស្តទម្លាក់ពីផ្នែកចំហៀងម្ដងធ្វើឲ្យអេក្រង់មានបញ្ហាប្រើការលែងកើត។ ទម្លាក់ដោយបែរអេក្រង់ចុះក្រោមផ្ទាំងអេក្រង់ក៏បែកខ្ទេច ធ្វើឲ្យ Face ID លែងដំណើរការ។ សាកទម្លាក់ពីក្រោយវិញ កញ្ចក់ផ្នែកខាងក្រោយប្រេះស្រាំមើលលែងយល់។

ចុងក្រោយ Square Trade បានវាយតម្លៃថា iPhone X ជា iPhone មានតម្លៃថ្លៃបំផុត, ងាយនឹងខូចខាត ហើយពេលជួសជុលត្រូវចំណាយច្រើនទៀតផង។ តាមការបញ្ជាក់របស់ Apple ដើម្បីជួសជុលអេក្រង់ iPhone X ត្រូវចំណាយ ២៧៩ ដុល្លារ ហើយចំពោះការជួសជុលផ្សេងៗដូចជាផ្ទាំងកញ្ចក់ខាងក្រោយជាដើមត្រូវចំណាយ ៥៤៩ ដុល្លារ៕

ប្រភព៖ GSMarena ប្រែសម្រួល៖ សុខហេង