CEO វ័យក្មេង ផ្ដាំយុវជនថា "កុំប្រញាប់ចេញរកស៊ី បើមិនទាន់មានគុណតម្លៃក្នុងជីវិតការងារ"
- 2017-11-07 03:32:43
- ចំនួនមតិ 0 | ចំនួនចែករំលែក 0
CEO វ័យក្មេង ផ្ដាំយុវជនថា "កុំប្រញាប់ចេញរកស៊ី បើមិនទាន់មានគុណតម្លៃក្នុងជីវិតការងារ"
ចន្លោះមិនឃើញ
ថ្លែងនៅក្នុងកម្មវិធីសិក្ខាសាលាស្ដីអំពី រៀនធ្វើជំនួញ កាលពីពេលកន្លងទៅនេះ នាយកប្រតិបត្តិក្រុមហ៊ុន Anussa លោក សេង ពិសិដ្ឋ បានលើកឡើងថា យុវជនមួយចំនួនឃើញគេរកស៊ី ចង់រកតាមគេដែរ ដោយយកលុយជាយាន តែអ្នកទាំងនោះគ្មានមូលដ្ឋានគ្រឹះអ្វីទាំងអស់ ដែលវាបណ្ដាលឲ្យពួកគាត់បរាជ័យក្នុងវិថីជំនួញ។ ហេតុដូចនេះ យុវជនគួរធ្វើខ្លួនឲ្យមានតម្លៃនៅក្នុងវិថីការងារជាមុនសិន សឹមហោះចេញរកស៊ី។
លោកពោលពាក្យបែបនេះ ដោយបានរំលឹកពីតម្លៃនោះបានមកដោយសារអ្វីដែលជាសមិទ្ធផលដែលបុគ្គលសម្រេចបានក្នុងជីវិតការងារ ដោយគេអាចសម្គាល់តាមរយៈ **ការសកម្មក្នុងការងារ នាំឲ្យទទួលបានប្រាក់ខែខ្ពស់ និងមុខដំណែងខ្ពស់ពីថ្នាក់ដឹកនាំ បន្ទាប់មកគឺការកសាងនូវមុខមាត់សម្រាប់ខ្លួនឯង (Personal Branding) បង្កើតការទំនាក់ទំនងល្អនៅក្នុងសង្គម និងកសាងទំនុកចិត្តសម្រាប់ខ្លួនឯង និងអ្នកដទៃជាដើម។**
សហគ្រិនវ័យមិនដល់ ៣០ឆ្នាំរូបនេះ បានគូសបញ្ជាក់ថា៖ «ក្លាយជាសហគ្រិននមែនទាល់តែមានអាជីវកម្មក្នុងដៃទើបមានគំនិតបែបសហគ្រិនទេ ប៉ុន្ដែ ទោះបីជាអ្នកកំពុងធ្វើការឲ្យគេក៏អាចរៀនសូត្រពីអត្តចរិត និងស្មារតីសហគ្រិនភាពនេះបានផងដែរ»។
លោកបានគូសបញ្ជាក់បន្ថែមថា សម្រាប់យុវវជន មុននឹងចង់ក្លាយជាសហគ្រិន ដំបូងឡើយត្រូវធ្វើខ្លួនឯងឲ្យមានគុណតម្លៃជាមុនសិន ហើយតម្លៃនេះ នឹងក្លាយជាយានដ៏សំខាន់ ឆ្ពោះទៅរកវិថីសហគ្រិនភាពដោយជោគជ័យ៕