ពិតអត់ Taylor Swift និង Selena Gomez ចេញបទចម្រៀងថ្មីរួមគ្នា?

2017-11-07 05:07:26
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រទាំងអស់ច្បាស់ជាបានជ្រាបហើយថាតារាចម្រៀង Taylor Swift និង Selena Gomez គឺជាមិត្តភក្តិល្អនឹងគ្នាជាយូរណាស់មកហើយ តែមិនទាន់បានឃើញពួកគេទាំងពីរនាក់ច្រៀងចម្រៀងរួមគ្នាម្តងណាទេ។

នៅថ្ងៃទី ៥ ខែវិច្ឆិកាម្សិលមិញ អ្នកគ្រប់គ្រងរបស់តារាចម្រៀង Taylor Swift បានសរសេរលើបណ្តាញ Twitter របស់ខ្លួន ដោយបង្ហើបព័ត៌មានខ្លះធ្វើឲ្យអ្នកគាំទ្រតារាទាំង ២នេះមានការភ្ញាក់ផ្អើលជាខ្លាំង។

សារនោះ លោកសរសេរខ្លីថា៖ "វាពិតជាល្អណាស់" ដោយអមជាមួយវីដេអូ Youtube ដែលផ្សព្វផ្សាយពីអាល់ប៊ុម "Reputation”។ ក្នុងនោះដែរ មានអ្នកសង្កេតឃើញថាអ្នកគ្រប់គ្រងរូបនេះ ថែមទាំងបានបញ្ជាក់ឈ្មោះរបស់ Taylor Swift និង Selena Gomez ទៀតផង ហើយវាបានបង្កើតជាចម្ងល់មិនធម្មតាដល់អ្នកគាំទ្រ។

This is so good... @taylorswift13 https://t.co/tm2Y6s10rc @BigMachine @selenagomez
— Scott Borchetta (@scottborchetta) November 5, 2017

ភ្លាមៗ មហាជនមួយចំនួនបានសួរលើគណនី Twitter នោះថា៖ "ហេតុអីបានលោកដាក់ឈ្មោះ Selena?”, “តើ Selena និង Taylor សហការគ្នាមែនទេ?” ប៉ុន្តែអ្នកគ្រប់គ្រងរបស់តារាចម្រៀងរូបនេះមិនបានឆ្លើយតបវិញទេ។

មានពាក្យលេចឭថា តារាចម្រៀង Taylor Swift និង Selena Gomez ធ្លាប់មានគំនិតចង់សហការគ្នាជាយូរណាស់មកហើយ តែឥឡូវដំណឹងនេះបានផ្ទុះឡើងជាថ្មី ជាហេតុធ្វើឲ្យអ្នកគាំទ្រកាន់តែរំភើប និងចង់ឲ្យក្លាយជាការពិតទៀតផង៕