អាហារ ៦ប្រភេទ ល្អបំផុតសម្រាប់អ្នកឈឺក្រពះស្ទើររាល់ថ្ងៃ

2017-11-07 06:17:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ជំងឺទាក់ទងនឹងប្រព័ន្ធរំលាយអាហារ មានកាន់តែច្រើនឡើង ជាពិសេសគឺឈឺក្រពះតែម្ដង ព្រោះក្រពះមានតួនាទីរំលាយអាហារ។ ប្រសិនបើអ្នកមានឧស្សាហ៍ឈឺក្រពះជាប្រចាំ អាចសាកល្បងផ្លែឈើ និងអាហារ ៦ប្រភេទ ដែលជួយពង្រឹងសមត្ថភាពក្រពះឡើងវិញ។

១. ចេក៖ ដូចដែលគ្រប់គ្នាបានដឹងហើយ ចេក ពិតជាល្អបំផុតសម្រាប់ប្រព័ន្ធរំលាយអាហារ ជាពិសេសគឺក្រពះតែម្ដង។ លើសពីនេះ ផ្លែ ចេក មានសារជាតិរំអិល ដែលអាចជួយឲ្យអ្នកអាចបន្ទោបង់បានស្រួល នៅពេលមានអាការៈទល់លាមក ឬរាគ ផងដែរ។

២. ខ្ញី៖ ប្រសិនបើអ្នកមានបញ្ហាក្រពះ រហូតដល់ក្អួតចង្អោរ ឬរអើមខ្លាំង អាចទទួលទានខ្ញីស្រស់ៗ នឹងធ្វើឲ្យធូរស្បើយភ្លាម។ យ៉ាងណាក្ដី ខ្ញីស្រស់ ប្រហែលជាមានជាតិខ្លាំង ហើយអ្នកខ្លះមិនអាចទទួលទានបានឡើយ។ ដូចនេះ អាចដាំទឹកឲ្យពុះ រួចចិតខ្ញីបង់ចូល លាយជាមួយក្រូចឆ្មារ ឬទឹកឃ្មុំបន្តិច យកមកផឹក ក៏មានប្រសិទ្ធភាពដែរ។

៣. ល្ហុង៖ ផ្លែល្ហុង ក៏អាចជួយកាត់បន្ថយភាពរអើម ដែលកើតចេញមកពីបញ្ហាក្រពះដែរ។ ល្ហុង មានជាតិប្រូតេអ៊ីនច្រើន ដែលអាចជួយដល់ដំណើរការរំលាយអាហារ និងជួយឲ្យក្រពះមានសុខភាពល្អ។

៤. ជីអង្កាម៖ ស្លឹកជីអង្កាម ជារុក្ខជាតិល្អបំផុតសម្រាប់ព្យាបាលក្រពះ ជាពិសេសគឺនៅពេលអ្នកទទួលទានឆ្អែតខ្លាំងពេក ហើយមានអារម្មណ៍ថាហល់។ ដាក់ស្លឹកជីអង្កាមចូលទៅក្នុងកែវទឹក ឬទទួលទានតែពីជីអង្កាម នឹងធ្វើឲ្យក្រពះអ្នកមានដំណើរការល្អ។

៥. ទឹកដោះគោជូរ៖ អ្នកខ្លះប្រហែលជាយល់ច្រឡំថា នៅពេលឈឺក្រពះ ទទួលទានទឹកដោះគោជូរ នឹងធ្វើឲ្យមានបញ្ហាកាន់តែខ្លាំង។ តាមពិតការទទួលទានទឹកគោជូរ អាចធ្វើឲ្យប្រព័ន្ធរំលាយអាហារកាន់តែល្អទៅវិញទេ ព្រោះវាមានសារធាតុចិញ្ចឹមច្រើន ព្រមទាំងអាចជួយការពារបាក់តេរីល្អៗនៅក្នុងពោះវៀនទៀតផង។

៦. អាហារសាប ដូចជា បាយ ដំឡូង និងនំ៖ ប្រសិនបើអ្នកឈឺក្រពះ ព្រោះមានវីរុសកំពុងលុកលុយ រហូតទៅបន្ទប់ទឹកញឹកញាប់ អាចសាកល្បងអាហារសាបសាប ដូចជាបាយ ដំបូង នំផ្សេងៗដែលមានជាតិម្សៅ។ អាហារទាំងនេះ មិនបានបន្ថែមបញ្ហាទៅលើក្រពះរបស់អ្នកទេ ហើយវាមានសារធាតុចិញ្ចឹមគ្រប់គ្រាន់។ ពេលឈឺក្រពះ ចៀសវាងទទួលទានផ្អែមខ្លាំង៕