Nokia Steel តម្លៃជាង ១០០ ដុល្លារ តែបើទិញដឹកឲ្យដល់ផ្ទះ មិនគិតលុយ!

2017-11-07 11:52:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃចន្ទម្សិលមិញក្រុមហ៊ុន Nokia បានបញ្ចេញនាឡិកាឆ្លាតវៃ Nokia Steel Limited Edition ពីរពណ៌ទៀតគឺពណ៌ខ្មៅដិតនិង Rose Gold ដែលជាផ្នែកនៃការផលិតនាឡិកា Nokia Steel បន្ថែមលើពណ៌ សនិងខ្មៅ។

នាឡិកាឆ្លាតវៃ Nokia Steel Limited Edition ទាំងពីរនេះអាចរកទិញបានជាផ្លូវការបាននៅលើវិបសាយ Nokia ផ្ទាល់របស់ក្រុមហ៊ុនហ្វាំងឡង់ Nokia ហើយការដឹកជញ្ជូនជុំវិញពិភពលោកដោយមិនគិតថ្លៃ និងសងលុយវិញក្នុងរយៈពេល ៣០ ថ្ងៃបើមិនពេញចិត្តផលិតផល។

យោងតាមវិបសាយ GSMArena នាឡិកាពណ៌ Rose Gold មានតម្លៃ ១៤៩, ៩៥ ដុល្លារ និងពណ៌ខ្មៅដិតតម្លៃ ១២៩,៩៥ ដុល្លារ។ កម្ម៉ង់ទិញនៅទីនេះ

លក្ខណៈពិសេសរបស់ Nokia Steel Limited Edition អាចឱ្យអ្នកប្រើប្រាស់ត្រួតពិនិត្យសុខភាព និងប្រតិបត្តិការជាមួយកម្មវិធី Health Mate មានលើនាឡិកាក្នុងពេលតែមួយ។

នាឡិកា Nokia Steel Limited Edition ក៏អាចតាមដានម៉ោងគេង អត្រាចង្វាក់បេះដូង និងកម្រិតកាល់ឡូរីក្រៅពីសកម្មភាពដូចជារត់ ហែលទឹក និងវាស់ជំហាន ។ នាឡិកាឆ្លាតវៃរបស់ Nokia ទាំងពីរទាមទារប្រព័ន្ធ iOS 8 ឡើងទៅ និង Android 5.0 ឡើងទៅព្រមទាំងទទួលបានការធានាដល់ទៅពីរឆ្នាំឯណោះ៕