អ៊ឹង បូរ៉ា ប្រាប់ហេតុផលវិលចូលសង្វៀនគុនខ្មែរជាថ្មី
- 2017-11-08 02:54:59
- ចំនួនមតិ 0 | ចំនួនចែករំលែក 0
អ៊ឹង បូរ៉ា ប្រាប់ហេតុផលវិលចូលសង្វៀនគុនខ្មែរជាថ្មី
ចន្លោះមិនឃើញ
អ្នកប្រដាល់ទម្ងន់ស្រាល និងជាជើងខ្លាំងកាលពី៣ឆ្នាំមុន អ៊ឹង បូរ៉ា ថា ការវិលចូលសង្វៀនគុនខ្មែរជាថ្មីម្ដងទៀតនេះព្រោះហេតុផលមួយចំនួន។
កីឡាករ អ៊ឹង បូរ៉ា បានឲ្យដឹងថា មូលហេតុដែលគេវិលចូលក្នុងអាជីពឈឺខ្លួននេះវិញ គឺមកពីឥលូវមានទីផ្សារប្រកួតច្រើន តាមស្ថានីយទូរទស្សន៍ភាគច្រើនសុទ្ធតែបង្កើតកម្មវិធីប្រដាល់ មិនតែប៉ុណ្ណោះក៏មានឱកាសបានវ៉ៃគូរបរទេសទៀតផង។ បើប្រៀបធៀបពីមុននោះសម្រាប់គីឡូ៥៧ ដូចរូបគេមិនសូវមានកីឡាករច្រើននោះទេ តែបច្ចុប្បន្ននេះមានកីឡាករប្រភេទទម្ងន់នេះច្រើនដូច្នេះអាចថាមានទីផ្សារប្រកួតច្រើនទៀតផង។
ការវិលចូលជាសង្វៀនជាថ្មីនេះ អ៊ឹង បូរ៉ា ហាក់ដូចជាពិបាកបន្តិចដែរ ទី១កម្លាំងធ្លាក់ចុះព្រោះវ័យច្រើន ពេលប៉ះកីឡាករក្មេងៗជំនាន់ក្រោយក៏ពិបាកលេងពួកគេដែរ ព្រោះគេកម្លាំងពេញ ទី២ដៃជើងនៅស្ពឹកមិនទាន់រហ័សដូចមុនទេ ប៉ុន្តែគេជឿជាក់ថាចំណាយពេលហ្វឹកហាត់ឲ្យជាប់បន្តិចទៅ សមត្ថភាពនឹងដូចដើមវិញ។
ម្ចាស់ខ្សែក្រវាត់របស់ CTN អ៊ឹង បូរ៉ា ឈប់ប្រកួតតាំងពីឆ្នាំ២០១៤មកម្ល៉េះ ទើបតែចូលប្រឡូកវិញនៅឆ្នាំ ២០១៧នេះហើយ ប្រកួត៨ដងនោះទេគឺឈ្នះ៦ ចាញ់២ ហើយការប្រកួតចុងក្រោយរបស់គេឈ្នះជើងខ្លាំងមកពីប្រទេសជប៉ុនក្នុងកម្មវិធីមិត្តភាពអន្តរជាតិប្រចាំឆ្នាំរបស់សង្វៀន CNC កាលពីថ្ងៃអាទិត្យ ទី៥ វិច្ឆិកា៕