អ្នកនយោបាយ សារព័ត៌មាន និងម្ចាស់ជំនួញ គួរប្រើបច្ចេកវិទ្យានេះ

2017-11-08 02:51:38
ចំនួនមតិ 0 | ចំនួនចែករំលែក 0

ចន្លោះមិនឃើញ

Google បានបង្កើតនូវកម្មវិធីសុវត្ថិភាពកម្រិតខ្ពស់ដែលហៅថា Advanced protection program ដើម្បីជួយការពារការវាយប្រហារពី Hacker ទៅលើគណនីអេឡិចត្រូនិក។

បច្ចេកវិទ្យានេះបង្កើតឡើងសម្រាប់ជួយកាត់បន្ថយហានិភ័យអ្នកប្រើប្រាស់ពីការវាយប្រហារ ដូចជាបុគ្គលិកទាក់ទងនឹងនយោបាយ អ្នកសារព័ត៌មាន និងអ្នកដឹកនាំជំនួញ ដោយច្រើនប្រឈមបញ្ហាបន្លំការប្រើ Email ជាដើម។ ដើម្បីចុះឈ្មោះប្រើប្រាស់ អ្នកត្រូវចំណាយលុយបន្តិចក្នុងការប្រើប្រព័ន្ធសុវត្ថិភាពដ៏ខ្លាំងរបស់ក្រុមហ៊ុន Google។

១. កូនសោសុវត្ថិភាព

ការផ្លាស់ប្ដូរធំបំផុតជាមួយនឹងប្រព័ន្ធការពារកម្រិតខ្ពស់ គឺដំណើរការ Log-in។ ពេលអ្នក Sign in ចូលប្រើ Device ថ្មី អ្នកត្រូវវាយបញ្ចូលលេខសំងាត់ដូចធម្មតា ប៉ុន្តែបន្ទាប់មកអ្នកភ្ជាប់កូនសោសុវត្ថិភាព USB បានចុះឈ្មោះគណនីអ្នក។ កូនសោសុវត្ថិភាពនេះនឹងបង្កើតនូវលេខកូដមួយ ដែលក្រុមហ៊ុន Google ប្រើដើម្បីចូលប្រើគណនីអ្នក ដែលផ្ដល់នូវស្រទាប់ការពារបន្ថែម។

ប្រសិនបើ Hacker លួចបានលេខសំងាត់អ្នក ពួកគេនៅតែមិនអាចចូលប្រើគណនីនោះទេ ដោយគ្មានកូនសោសុវត្ថិភាព។ យ៉ាងណាមិញ កូនសោសុវត្ថិភាពនេះ អ្នកត្រូវចំណាយលុយប្រហែល ២០$ ព្រមទាំងត្រូវមានពីរ សម្រាប់ស្រគួរការប្រើប្រាស់ ដើម្បីបើកដំណើរការកម្មវិធីការពារកម្រិតខ្ពស់របស់ Google។ ក្នុងការទិញប្រើ ក្រុមហ៊ុនបានណែនាំគួរទិញកូនសោសុវត្ថិភាពប្រើ Bluetooth ដូច្នេះអាចប្រើលើ Smartphone ឬ Tablet បាន ហើយអាចទិញពីក្រុមហ៊ុន Feitian និង Yubico។

២. ការចុះឈ្មោះ

ពេលអ្នកមានកូនសោសុវត្ថិភាពនោះហើយ អ្នកអាចចូលទៅកាន់ Advanced Protection Program រួចវានឹងសួរអ្នកក្នុងការ Log in ចូលគណនីអ្នក ហើយអ្នកនឹងអាចចូលទៅកាន់ទំព័រអាចចុះឈ្មោះប្រើកូនសោសុវត្ថិភាពទាំងពីរបាន។

ប្រសិនបើអ្នកមាន Laptop ភ្ជាប់កូនសោទៅនឹងរន្ធ USB រួចចុចប៊ូតុងលើកូនសោ ដូច្នេះ Google នឹងសម្គាល់កូនសោ ហើយចុះឈ្មោះវាជាមួយនឹងគណនីអ្នក។ អ្នកក៏អាចបើកកម្មវិធីលើ Smartphone ជាមួយនឹងកូនសោមាន Bluetooth ឬ NFC។ សម្រាប់អ្នកប្រើ iOS អ្នកត្រូវទាញយកកម្មវិធីឈ្មោះ Google Smart Lock ដើម្បីភ្ជាប់ដំណើរការកូនសោតាម Bluetooth ជាមួយនឹងគណនីអ្នក។

៣. ព័ត៌មានបន្ថែម

ពេលកូនសោបានចុះឈ្មោះរួចរាល់ Google នឹងបង្ហាញទំព័រពន្យល់ពីកម្រិតប្រើប្រាស់នៃ Advanced Protection Program។ គ្រប់កម្មវិធី Third-party រួមទាំង Apple Mail អាចនឹងរារាំងពីការចូលប្រើទិន្នន័យ Gmail ឬ Google Drive។ ការរចនានេះធ្វើឡើងដើម្បីបញ្ឈប់ Hacker ពីការប្រើកម្មវិធីក្លែងក្លាយ ឬ Extension ក្លែងក្លាយក្នុងការបន្លំចូលប្រើប្រាស់។ មួយវិញទៀតសម្រាប់ការ Recovery គណនីនឹងអាចចំណាយពេល ពីរបីថ្ងៃ ហើយអ្នកគួរផ្ដល់ព័ត៌មានបញ្ជាក់ពីកូនសោអ្នកផងដែរ។

៤. ការការពារ

ពេលកម្មវិធីបានបើកដំណើរការ អ្នកគួរត្រៀមខ្លួនក្នុងការប្រើកូនសោសុវត្ថិភាពអ្នកម្ដងទៀត ព្រោះ Google នឹង Sign out គ្រប់ Devices ពីគណនីអ្នកប្រើប្រាស់។ មានន័យថា អ្នកត្រូវ Sign in ចូលគ្រប់ Devices អ្នកឡើងវិញ បន្ទាប់មកប្រើកូនសោសុវត្ថិភាព។ ក្នុងករណីអ្នកបាត់កូនសោ ឬ Laptop បាត់ អ្នកអាចបិទ Advanced Protection Program បានពី Account Setting ដូច្នេះអ្នកអាចប្រើដំណើរការ Login ដូចធម្មតារបស់ Google៕