ស្ត្រីអ្នកមានជនជាតិថៃ បិទប្រកាសតាមរបងផ្ទះ ស្វែងរកមិត្តប្រុសនៅលីវ

2017-11-08 10:21:25
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅប៉ុន្មានថ្ងៃនេះ តាមបណ្ដាញសង្គម និងគេហទំព័រជាច្រើនរបស់ថៃ បានចុះផ្សាយដំណឹងអំពីស្ត្រីម្នាក់ប្រកាសស្វែងរកមិត្ត ១០០ឆ្នាំ មករួមរស់បានជាគ្នា។

ស្ត្រីរូបនេះមាន Sompong Chomphupraphe អាយុ ៦៥ឆ្នាំ រស់នៅស្រុក Pibul Mangsahan ខេត្តឧប៊ុន រ៉ាតឆាថានី បានព្យួរផ្ទាំងប្លាស្ទិកតាមច្រកចូលផ្ទះ និងរបងផ្ទះរបស់ខ្លួន ស្វែងរកមិត្តប្រុសអាយុចន្លោះពី ៦០ ដល់ ៧០ឆ្នាំ ដែលកំពុងនៅលីវ។

ការប្រកាសជ្រើសរើសបែបនេះ ព្រោះគាត់នៅម្នាក់ឯងអផ្សុកណាស់ បន្ទាប់ពីលែងលះគ្នាជាមួយប្ដីជនជាតិអាល្លឺម៉ង់ រយៈពេលជាយូរមកហើយ។ ក្នុងបដាព្យួរតាមច្រកទ្វារផង របងផ្ទះផងនេះបានសរសេរថា "ស្ត្រីអាយុ ៦៥ឆ្នាំម្នាក់ត្រូវការមិត្តប្រុសអាយុចន្លោះពី ៦០ ទៅ ៧០ឆ្នាំ។ ជាមនុស្ស ពោះម៉ាយ ឬចូលនិវត្តន៍ មនុស្សល្អ ចិត្តល្អ និងសុខភាពល្អ។ បើមានចំណាប់អារម្មណ៍សូមទាក់ទងនៅទីនេះ"។

Sompong និយាយថា គាត់ធ្លាប់រៀបការម្ដងជាមួយមន្ត្រីកងទ័ពអាកាស និងមានកូន ២នាក់ ប៉ុន្តែទំនាក់ទំនងប្រែជាល្អក់កករដោយសារស្វាមីរូបនេះផឹកស្រា និងរករឿងគាត់ជារឿយៗ។ បន្ទាប់ពីលែងលះ គាត់បានទៅរៀបការជាមួយបុរសជនជាតិអាល្លឺម៉ង់ម្នាក់ទៀត និងរស់នៅប្រទេសអាល្លឺម៉ង់បាន ១៣ឆ្នាំ។ ជីវិតស្នេហាក៏ប្រេះឆាជាលើកទីពីរ គាត់ក៏ត្រលប់មករស់នៅម្នាក់ឯងក្នុងប្រទេសថៃវិញ។

គាត់ចង់រួមរស់បានជាគ្នា ជាមួយបុរសម្នាក់សម្រាប់ជីវិតចុងក្រោយ។ លោកយាយ Sompong បន្ថែមថា មានបុរសម្នាក់ បានចាប់អារម្មណ៍ទូរសព្ទមកគាត់ ប៉ុន្តែពេលដឹងថា បុរសនោះមានទម្ងន់ ៤៩គីឡូ គាត់ក៏ដាក់ទូរសព្ទចុះព្រោះស្គមពេក។ មកទល់ពេលនេះ គាត់រើសមិនទាន់បាននៅឡើយទេ ប្រញាប់ឡើង៕