ស៊ុតមិនចូល២គ្រាប់យប់មិញ ចាន់ វឌ្ឍនាកា ស្អប់ខ្លួនឯង បើកដៃឱ្យអ្នកគាំទ្រថាតាមចិត្ត

2017-11-10 03:06:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធកម្ពុជា ចាន់ វឌ្ឍនាកា បានសរសេរបង្ហោះថារូបគេស្អប់ខ្លួនឯងដែលធ្វើមិនបានល្អក្នុងប្រកួតមិត្តភាពយប់មិញ ហើយពេលនេះបើកឱ្យអ្នកគាំទ្របញ្ចេញយោបល់ឬស្ដីបន្ទោសតាមចិត្ត។

មិត្តភាពអន្តរជាតិ កាលពីយប់មិញនេះ ក្រុមកម្ពុជាបានបរាជ័យក្រោមថ្វីជើងរបស់មីយ៉ាន់ម៉ាក្នុងលទ្ធផល ២-១ ។ ដោយក្រុមទាំងពីរក្នុងការប្រកួតសុទ្ធតែមានឱកាសរៀងខ្លួន ប៉ុន្តែខាងកម្ពុជាហាក់ដូចជាល្អជាង តែសោកស្ដាយធ្វើមិនបានសម្រេច។

ចំពោះរឿងនេះដែរ វឌ្ឍនាកា ដែលជាអ្នកមានឱកាសច្រើនជាងគេ ជាពិសេសឱកាសមាស២ដងនោះ បាននិយាយថារូបគេពិតជាស្អប់ខ្លួនឯងមែន ដែលធ្វើមិនបានសម្រេចក្នុងឱកាសនេះ។ អ្នកគាំទ្រអាចស្ដីបន្ទោសឬថាយ៉ាងមិចក៏បាន ដោយអាចបង្ហាញអារម្មណ៍ដោយសេរីចំពោះទម្រង់លេងរបស់គេក្នុងការប្រកួតនេះ។

ទន្ទឹមគ្នានេះដែរ លោក ប្រាក់ សុវណ្ណារ៉ា ក៏មិនចង់ជឿដែរថាឱកាស២ដងនោះ វឌ្ឍនាកា មិនអាចធ្វើបានសម្រេច ព្រោះថាកន្លងមកឱកាសមាសដូច្នេះ រូបគេមិនដែលភ្លាត់នោះទេ ជាពិសេសមានរហូតដល់ទៅ២ដងផងនោះ៕