Wenger៖ "ប្រសិនជាអ្នកស្រឡាញ់បាល់ទាត់ អ្នកត្រូវតែចូលចិត្តមើល Messi”

2017-11-10 07:16:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Arsene Wenger អ្នកចាត់ការក្លឹប Arsenal បាននិយាយពាក្យមួយឃ្លាគួរឲ្យចាប់អារម្មណ៍ថា "ប្រសិនជាអ្នកស្រឡាញ់បាល់ទាត់ អ្នកត្រូវតែចូលចិត្តមើល Messi”។

កាលពីខែ មុន កីឡាកររបស់ Barcelona ខាងលើបានទាត់បញ្ចូលទី៣គ្រាប់លើប្រទេសអេក្វាឌ័រ ជួយធានាកៅអី World Cup ឲ្យអាហ្សង់ទីននៅឆ្នាំក្រោយ។ ព្រោះតែសមត្ថភាពល្អនេះហើយ ទើបធ្វើឲ្យ Wenger ពេញចិត្តនឹង Messi។

ថ្លែងប្រាប់គេហទំព័ររបស់ Arsenal បុរសសញ្ជាតិបារាំងនិយាយថា៖ "ខ្ញុំមានអារម្មណ៍រីករាយខ្លាំងណាស់ ដែលបានឃើញ Messi ឡើងទៅលេង World Cup។ ប្រសិនជាអ្នកស្រឡាញ់បាល់ទាត់ អ្នកត្រូវតែចូលចិត្តមើល Messi។ ប្រសិនជាអ្នកស្រឡាញ់បាល់ទាត់ មានន័យថា អ្នកស្រឡាញ់អាហ្សង់ទីនដូចគ្នា"។

Wenger បន្ថែមថា៖ "អាហ្សង់ទីន មានកីឡាករប្រយុទ្ធលំដាប់កំពូលជាច្រើន ហើយថែមទាំងមានទេពកោសល្យពិសេសទៀត។ និយាយជារួម ខ្ញុំអាចនិយាយបានថា ខ្ញុំនឹងមិនសប្បាយចិត្ត ប្រសិនអាហ្សង់ទីនមិនបានទៅ World Cup”៕

ចុចអាន៖

ប្រភព៖ Goal ប្រែសម្រួល៖ ហេង សុធារិទ្ធិ