Apple កំពុងសំងំផលិតប្រព័ន្ធប្រតិបត្តិការទី៥ សម្រាប់បំពាក់លើឧបករណ៍ថ្មីមួយ
- 2017-11-10 12:36:02
- ចំនួនមតិ 0 | ចំនួនចែករំលែក 0
Apple កំពុងសំងំផលិតប្រព័ន្ធប្រតិបត្តិការទី៥ សម្រាប់បំពាក់លើឧបករណ៍ថ្មីមួយ
ចន្លោះមិនឃើញ
ក្រុមហ៊ុនបច្ចេកវិទ្យាយក្ស Apple នឹងបញ្ចេញឧបករណ៍ពាក់ក្បាល AR ( Augmented Reality) ខណៈខ្លួនកំពុងសំងំផលិតប្រព័ន្ធប្រតិបត្តិការថ្មី rOS (Reality Operating System) សម្រាប់ភ្ជាប់លើ AR ។
គ្រប់គ្នាដឹងហើយថា Apple មានប្រព័ន្ធប្រតិបតិ្តការ ៤ប្រភេទ ដែលមានលើផលិតផលរបស់ខ្លួនដូចជាប្រព័ន្ធប្រតិបត្តិការ iOS សម្រាប់ទូរសព្ទ macOS សម្រាប់កុំព្យូទ័រនិងឡេបថប watchOS សម្រាប់នាឡិកាឆ្លាតវៃ Smart Watch និង tvOS សម្រាប់ទូរទស្សន៍ ។ ដោយឡែកប្រព័ន្ធប្រតិត្តិការថ្មីទី៥ rOS នឹងបំពាក់លើឧបករណ៍ AR ។
ប្រព័ន្ធ rOS ដែលអាចផ្អែកលើ iOS ហើយអតីតអ្នកបង្កើតហ្គេមលោក Geoff Stahl គឺជាអ្នកគ្រប់គ្រង rOS ម្នាក់ក្នុងចំណោមអ្នកគ្រប់គ្រងផ្សេងទៀត ។ បច្ចុប្បន្ននេះ Apple កំពុងបញ្ចប់ការតេស្តពីរបៀបអ្នកប្រើប្រាស់គួរប្រើ AR ត្រួតពិនិត្យ និងផលិតកម្មវិធីមួយចំនួនសម្រាប់ឧបករណ៍ AR ដែលមានក្នុង App Store តែម្តង ។ ឧបករណ៍ពាក់ក្បាល AR ចូលក្នុងពិភពឌីជីថលរបស់ Appleអាចនឹងមានឈីបដូចនាឡិកា Apple Watch ។
ជាមួយគ្នានេះដែរ Apple កំពុងរកមើលជម្រើសបន្ថែមទៀតជួយសម្រួលដល់អ្នកប្រើប្រាស់ដូចជាការ ប៉ះផ្ទាល់ សកម្មភាពសំឡេង Siri ឬបញ្ជាដោយកាយវិការក្បាលជាដើម ។ ដោយគ្មាន AR ផ្ទាល់ខ្លួនក្រុមវិស្វករប្រើឧបករណ៍ពាក់ក្បាល HTC Vive ដើម្បីតេស្តពីបច្ចេកវិទ្យា ។ ឧបករណ៍ AR នឹងស្ថិតក្រោមការផលិតនិងដឹកនាំដោយ Mike Rockwell អតីតវិស្វករនៅឯមន្ទីពិសោធន៍ Dolby ។
ក្រុមការងាររបស់ Mike Rockwell នឹងផលិតទាំង hardware និង software ក្រោមកូដឈ្មោះ T288 ហើយពួកគេក៏ជាអ្នកបង្កើត ARKit ដែលមានក្នុង iOS 11 ។ ឧបករណ៍ AR នឹងលេចរូបរាងឆ្នាំ ២០១៩ ហើយនាំចេញទៅកាន់ពិភពលោកឆ្នាំ ២០២០ ៕