ថ្ម iPhone X ប្រើបានយូរជាង Galaxy Note 8

2017-11-11 02:51:24
ចំនួនមតិ 0 | ចំនួនចែករំលែក 0

ចន្លោះមិនឃើញ

មានការប្រៀបធៀបសមត្ថភាពមួយបានធ្វើឡើង ដើម្បីបង្ហាញថាស្មាតហ្វូនកំពូលទាំង ៤ រួមមាន iPhone X, iPhone 8+, Note 8 និង OnePlus 5 មួយណាមានថាមពលថ្មប្រើបានយូរជាងគេ។

បញ្ជាក់ថា iPhone X មានថ្មទំហំ ២៧១៦ mAh, iPhone 8+ ទំហំ ២៦៩១ mAh, Note 8 ទំហំ ៣៣០០ mAh និង OnePlus 5 ទំហំ ៣៣០០ mAh ដូចគ្នា។ ការធ្វើតេស្តសមត្ថភាពថ្មនេះធ្វើឡើងក្នុងដំណាក់កាលជាច្រើន រួមមានការបើក Instagram, មើលវីដេអូលើ YouTube, បើកកម្មវិធី, លេងហ្គេម និងតេស្តម៉ាស៊ីនជាដើម។

ជាលទ្ធផលបង្ហាញថា OnePlus 5 មានថាមពលថ្មដែលប្រើបានយូរជាងគេ អាចប្រើបាន ៥ ម៉ោង ១៥ នាទី។ បន្ទាប់មកគឺ iPhone X ប្រើបាន ៥ ម៉ោង ២ នាទី តាមពីក្រោយដោយ Note 8 ប្រើបាន ៤ ម៉ោង ៣៥ នាទី និងចុងក្រោយ iPhone 8+ ប្រើបាន ៤ ម៉ោង ២៦ នាទី។

លទ្ធផលការធ្វើតេស្តនេះមិនបានបញ្ជាក់ថាក្នុងការប្រើប្រាស់ជាក់ស្ដែងស្មាតហ្វូនទាំង ៤ នឹងមានរយៈពេលប្រើប្រាស់ដូចនេះនោះទេ ព្រោះថានេះជាការធ្វើតេស្តដែលខុសពីការប្រើប្រាស់ទូទៅប្រចាំថ្ងៃ៕

ប្រភព៖ redmondpie ប្រែសម្រួល៖ សុខហេង