របៀប​ឆែក​មើល​តម្លៃ​រថយន្ត​មួយ​ទឹក នៅ​ទីផ្សារ​អាមេរិក មុននាំលក់ក្នុង​ស្រុក​

  • 2017-11-13 03:12:20
  • ចំនួនមតិ

ចន្លោះមិនឃើញ

នៅស្រុកយើង​នេះ រថយន្ត​មួយ​ទឹក​ គ្របដណ្តប់​ជិត​ ៩០ ភាគរយ​ទៅហើយ​ការ​ប្រើប្រាស់​ទូទៅ​។ រថយន្ត​មួយ​ទឹក​ភាគច្រើន​នាំ​ចូល​​ពី​​អាមេរិក។​ ​

និយាយ​ហ្សីន​គ្នា​យើង ប្រាកដ​ជា​ចង់​ដឹងពី​​រថយន្ត​មួយ​ទឹក​​មិន​ថា Prius បាឡែន ឆ្លាម ដែល​​លក់​នៅ​អាមេរិក​ថ្លៃ​ថោក​យ៉ាង​ណា​ មុន​​នាំ​ចូល​មក​លក់ក្នុង​ស្រុក​។

ស្គាល់វិបសាយ​មួយ​នេះ​ មិន​លំបាក​​ទេ​ចង់​ដឹង​តម្លៃ​រថយន្ត​មួយ​ទឹក​លក់​នៅ​អាមេរិក ​ចង់​ម៉ាក​អី​ក៏​មាន​ដែរ ដោយ​ដក​ចេញ​នូវ​ថ្លៃ​បង់​ពន្ធ, ថ្លៃ​ដឹក​ជញ្ជូន និង​ថ្លៃ​តុបតែង​សារ​ជា​ថ្មី។​

១.ចូល​ទៅ​កាន់​គេហទំព័រ www.Autotrader.com

២.បញ្ចូល​ព័ត៌មាន​ស្វែងរក

  • Make: ប្រភេទ​ស្លាកយីហោ​រថយន្ត (ឧទាហរណ៍: Toyota)
  • Model: ម៉ូដែល​រថយន្ត (ឧទាហរណ៍: Prius)
  • Price: តម្លៃ​រថយន្ត (អាច​កំណត់​​ឬ​ដាក់ Any Price)
  • ZIP Code: ទីតាំង​លក់​រថយន្ត (ឧទាហរណ៍: 90001 សម្រាប់​លេខ​ប្រចាំ California)

#បញ្ជាក់: អ្នក​អាច​ស្វែង​រក​ Zip Code ប្រចាំ​តំបន់​ណា​មួយ តាម​រយៈ Google Search ដោយ​ផ្ទាល់ .រួច​ចុច Search

៣.ភ្លាម​នោះ​តារាង​តម្លៃ​រថយន្ត Prius មួយ​តឹក​ទាំង​អស់ ប្រចាំ​រដ្ឋ California នឹង​បង្ហាញ ប៉ុន្តែ​ក៏​អាច​ធ្វើ​ការ​ប្ដូរ​នៅ​ប្រភេទ​លទ្ធផល​ដែល​ចង់​បាន​ នៅ​ផ្នែក​ប្រអប់​ចំហៀងខាង​ឆ្វេង​

  • Radius: ចម្ងាយ​ទីតាំង​លក់​គិត​ចាប់​ពី​ទីតាំង​កូដ​​ប្រចាំ​តំបន់
  • Minimum-Maximum Year: ប្រភេទ​ឆ្នាំ​តិច​បំផុត​ឬ​ខ្ពស់​បំផុត (ឧទាហរណ៍: ចន្លោះ​ឆ្នាំ ២០០៤ ដល់ ២០០៧)
  • Minimum-Maximum Price: ទំហំ​តម្លៃ​ទាប​បំផុត​និង​ខ្ពស់​បំផុត
  • Mileage: ចម្ងាយ​ផ្លូវ​កុងទ័រ​រថយន្ត​គិត​ជា Miles។

៤.ក្រោយ​ចុច​លើ​រថយន្ត​ណា​មួយ វា​នឹង​លោត​បង្ហាញ​នូវ​បណ្តុំ​រូបភាព​តួ​រថយន្ត​ទាំង​មូល​ជា​ច្រើន​សន្លឹក ព្រម​ទាំង​លក្ខណៈ​សម្បត្តិ​នៃ​រថយន្ត​នោះ ថា​មាន​បន្ថែម​គ្រឿង​បរិក្ខារ​ឬ​ខ្វះខាត​បែប​ណា​ខ្លះ។

អាន​អត្ថបទ​បន្ទាប់

​​​


អត្ថបទ៖ កៅ រក្សា