គន្លឹះទាំង ២០ សម្រាប់ការថតរូបថ្ងៃទទួលសញ្ញាប័ត្រឲ្យបានស្អាត

2017-11-14 02:43:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃទទួលសញ្ញាប័ត្រជាថ្ងៃដ៏ពិសេស របស់បេក្ខជននីមួយៗ ហើយទិដ្ឋភាពបែបនោះមានភាពល្អប្រសើរ ដោយមានមិត្តភ័ក្ដិចាស់ៗជួបជុំគ្នា ព្រមទាំងលោកគ្រូអ្នកគ្រូ និងទីធ្លាសាលាធ្លាប់បានសិក្សារៀនសូត្រ។ ទិដ្ឋភាពបែបនេះមិនមែនកើតឡើងរាល់ដងនោះទេ ដូច្នេះអ្នកគួររក្សាទុករូបភាពបែបនេះឲ្យបានយូរអង្វែង។ អ្នកអាចពិនិត្យមើលចំណុចខាងក្រោម សម្រាប់ជាយោបល់ក្នុងការផ្ដិតយករូបភាពបែបនេះ។

រូបតំណាង

* ចូលកៀកនឹងកន្លែងទទួលសញ្ញាប័ត្រ ប៉ុន្តែដោយសារបន្ទប់ទទួលភ្ញៀវធំ ឬសាលនឹងមានគម្លាត ដូច្នេះអ្នកគួររៀបចំប្រើនូវ Lens ប្រភេទ Telephoto 200mm ឬ 300mm។

បង្កើនកម្រិត ISO ដូច្នេះអ្នកអាចប្រើ Shutter speed លឿន ដែលអាចធ្វើឲ្យរូបភាពច្បាស់ល្អ។
កំឡុងពេលពិធី អ្នកគួរកំណត់ Setting ឲ្យ Auto ហើយប្រសិនបើអ្នកមាន Lens មានសមត្ថភាព Autofocus កាន់តែល្អ ព្រោះអ្នកមានពេលបន្ថែមក្នុងការរីករាយនឹងពិធី។
អ្នកមិនគួរប្រើ Flash នោះទេ លុះត្រាតែអ្នកនៅកៀកនឹង Subject បើមិនដូច្នោះ Flash នឹងមិនដល់ Subject ហើយអាចរំខានដល់អ្នកដទៃទៀត។ ម្យ៉ាងវិញទៀត អាចស៊ីថ្មទៀតផង។
គួរពង្រីកទិដ្ឋភាពក្នុងការបំពេញ Frame ជាពិសេសពេលអ្នកទទួលសញ្ញាប័ត្រ ដើរឡើងលើឆាកក្នុងការទទួល។
ពេលអ្នកថតខាងក្នុងអាគារ គួរដឹងពី White balance ដោយអាស្រ័យលើទីតាំងកន្លែងអង្គុយអ្នក ដែលអាចសាកល្បងប្រើជា Auto ឬ Fluorescent ឬ Incandescent។ ពន្លឺក្នុងអាគារពេលខ្លះអាចបំពេញ ដោយប្រភពពន្លឺជាច្រើន ដែលពិបាកក្នុងការប្រើ White balance ឲ្យបានត្រឹមត្រូវ បើប្រៀបធៀបទៅនឹងពន្លឺក្នុងថ្នាក់រៀន ឬសាលប្រជុំ។
ប្រសិនបើពិធីធ្វើឡើងនៅខាងក្រៅ ដែលអាចមានអាកាសធាតុប្រែប្រួល អ្នកគួរកំណត់ White balance ទៅជា Auto ដូច្នេះអាចដំណើរការល្អពេលលក្ខខណ្ឌពន្លឺប្រែប្រួល។
ពិធីបញ្ចប់ការសិក្សាសម្រាប់ក្មេងៗ អាចនឹងច្រៀងចំរៀង ដូច្នេះជាឧកាសល្អ អ្នកគួរថតជាវីដេអូ។
ប្រសិនបើអ្នកថតរូបក្នុងពិធីបញ្ចប់ការសិក្សាសម្រាប់ថ្នាក់មត្តេយ្យ ទិដ្ឋភាពប្រហែលជាស្ថិតក្នុងថ្នាក់រៀន ដែលមានពិដានខ្ពស់ ដូច្នេះអ្នកអាចប្រើ Flash តម្រង់ទៅផ្ទាល់នឹងពិធីបាន ហើយសាកល្បងថត។
អ្នកគួរថតរូបបេក្ខជន ឬក្រុមមិត្តភ័ក្ដិ ដែលទទួលសញ្ញាប័ត្រជាលក្ខណៈ Portrait។

រូបតំណាង

អ្នកគួរថតរូបបេក្ខជន ជាមួយនឹងឯកសណ្ឋាន និងមួក ដោយអ្នកអាចធ្វើបាននៅផ្ទះ។
អ្នកអាចថតរូបបេក្ខជនមានសំលៀកបំពាក់សមរម្យ មុនពេលពាក់ឯកសណ្ឋានទទួលសញ្ញាប័ត្រ។
រូបភាពក្នុងពិធីទទួលសញ្ញាប័ត្រតាំងពីទិដ្ឋភាពជជែកកម្សាន្ត ដើរឡើងទទួលសញ្ញាប័ត្រ និងពេលទទួលសញ្ញាប័ត្ររបស់បេក្ខជន អ្នកគួរថតរូបដោយប្រើ Continuous shooting ដូច្នេះអ្នកមានឧកាសច្រើនក្នុងការទទួលបានរូបភាពល្អប្រសើរ។
ជាធម្មតា ក្រោយចប់ពិធីទទួលសញ្ញាប័ត្រ បេក្ខជន និងមិត្តភ័ក្ដិអាចនឹងបោះមួកឡើងលើ ដូច្នេះអ្នកគួរប្រើ Continuous shooting តាំងពីពេលរៀបបោះមួក និងទិដ្ឋភាពមួកលើអាកាស។
អ្នកគួរថតរូបបេក្ខជន ជាមួយនឹងមិត្តភ័ក្ដិ កាន់សញ្ញាប័ត្រជុំគ្នា ក្រោយពិធីបញ្ចប់។
អ្នកគួរថតរូបបេក្ខជនជាមួយនឹងសាស្ត្រាចារ្យប្រចាំថ្នាក់ពួកគេ។
អ្នកគួរថតរូបបេក្ខជនលក្ខណៈ Portrait ជាមួយនឹងផ្ទៃខាងក្រោយ ដែលជាសាលារៀន ឬកន្លែងទីតាំងមានស្ថាបត្យកម្មល្អក្នុងសាលារៀន។

រូបតំណាង

ប្រសិនបើទីតាំងមានពន្លឺថ្ងៃ អ្នកគួរស្វែងរកនូវចំណុចស្រអាប់ ហើយប្រើ Flash ដើម្បីបង្កើតចំណាំងភ្លឺដ៏ល្អក្នុងរូបភាព។
ប្រសិនបើអ្នកមិនអាចស្វែងរកផ្ទៃខាងក្រោយល្អទេ អ្នកគួរប្រើ Lens ល្បឿនលឿន ឬកំណត់ Aperture ធំតាមដែល Lens អាចធ្វើបាន ដូច្នេះបេក្ខជននឹងលេចធ្លោល្អ ពេលផ្ទៃខាងក្រោយព្រាល។
អ្នកគួរស្នើអ្នកដទៃជួយថតរូបអ្នក និងបេក្ខជន ដើម្បីទុកជាអនុស្សាវរីយ៍៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត៖

ប្រភព៖ Nikonusa ប្រែសម្រួល៖ ប៊ុន ធឿន