ស្រាយចម្ងល់រឿង កុមារីវ័យ៧ ឆ្នាំម្នាក់ ជាកូនស្រី មាស សុខសោភា
- 2017-11-14 08:01:15
- ចំនួនមតិ 0 | ចំនួនចែករំលែក 0
ស្រាយចម្ងល់រឿង កុមារីវ័យ៧ ឆ្នាំម្នាក់ ជាកូនស្រី មាស សុខសោភា
ចន្លោះមិនឃើញ
ព័ត៌មានក្នុងស្រុកមួយចំនួនបានចុះផ្សាយថា ក្មេងស្រីម្នាក់ឈ្មោះ រ៉ូមី អាយុ៧ ឆ្នាំ ជាកូនស្រីបង្កើត មាស សុខសោភា ។
ការលើកឡើងដូច្នេះបន្ទាប់ពីតារាចម្រៀងរូបនេះបានទៅ Surprise ខួបកំណើតក្មេងស្រីម្នាក់នោះកំពុងតែរៀននៅសាលាឯកជន ជាមួយលោក ហ្សូណូ ដោយក្នុងវីដេអូនោះនាងបាននិយាយថា៖" មកSurprise ខួបកំណើតកូន"។
យ៉ាងណាមិញជុំវិញព័ត៌មានខាងលើនេះដែរ មាស សុខ សោភា បានប្រាប់ Sabay ថា ក្មេងស្រីឈ្មោះ រ៉ូមី មិនមែនជាកូនបង្កើតខ្លួនឡើយ តែជាកូនស្រីធម៌ទៅវិញទេ។ សោភា បានសម្រេចយកក្មេងស្រីតូចនេះមកធ្វើជាកូនធម៌តាំងពីកុមារី រ៉ូមី មានអាយុ២ ឆ្នាំមកម្ល៉េះ។
មាស សុខសោភា បន្តថា ហេតុផលដែលខ្លួនយក រ៉ូមី មកធ្វើជាកូនធម៌ ដោយសារតែកុមារីរូបនេះចេះច្រៀងបទចម្រៀងខ្លួនច្រើន ៖"គាត់គឺជាក្មេងស្រីម្នាក់ចេះច្រៀង បទខ្ញុំច្រើន តាំងពីនៅតូច និយាយទៅគាត់គឺជា Fan របស់ខ្ញុំមួយរូប។ ម្យ៉ាងទៀតគាត់គឺជាកូនមិត្តភ័ក្ដិខ្ញុំ"។
ទោះបីជា មាស សុខ សោភា ក្លាយជាម្ដាយធម៌ រ៉ូមី ក្ដី តែរាល់ការចំណាយលើការចាយវាយ ឬរៀនសូត្រ នាងមិនបានជួយផ្គត់ផ្គង់ឡើយ គឺឪពុកម្ដាយកុមារីរូបនេះជាអ្នកចំណាយទាំងអស់ ព្រោះឪពុកម្ដាយ រ៉ូមី មានជីវភាពធូរធារ មានលទ្ធភាពឲ្យកូនស្រីរៀនសូត្របាន។
កុមារី រ៉ូមី មានស្រុកកំណើតនៅខេត្តព្រះសីហនុ អាយុ ៧ ឆ្នាំ មានឪពុកម្ដាយ ជាអ្នករកស៊ី។ សព្វថ្ងៃកុមារីរូបនេះកំពុងសិក្សារៀនសូត្រនៅស្រុកកំណើត ជាមួយឪពុកម្ដាយ នៅឡើយទេ៕