Shawn Mendez ចាប់ផ្ដើមបង្កាត់ភ្លើងស្នេហ៍ជាមួយអតីតសង្សារ Justin Bieber

2017-11-14 10:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាម៉ូដែល Hailey Baldwin ដែលជាអតីតសង្សារម្នាក់ទៀតរបស់ Justin Bieber និងតារាចម្រៀងសញ្ជាតិកាណាដា Shawn Mendez ត្រូវគេឃើញថា ឲ្យក្រសែភ្នែកដាក់គ្នា និងថើបគ្នាក្នុងពិធីជប់លៀងនៅក្នុងទីក្រុង London កាលពីយប់ថ្ងៃអាទិត្យក្រោយកម្មវិធីពានរង្វាន់ MTV EMAs ២០១៧បញ្ចប់។

បើតាមវិបសាយ The Sun បានឲ្យដឹងថា តារាចម្រៀងសញ្ជាតិកាណាដាវ័យ ១៩ឆ្នាំ និងតារាម៉ូដែលវ័យ ២០ឆ្នាំរូបនេះ បានចាប់ចិត្តលើគ្នាហើយពួកគេព្យាយាមបង្ហាញគ្រប់គ្នាឲ្យបានដឹងតាមរយៈសកម្មភាពរបស់ពួកគេមានលក្ខណៈលើសពីមិត្ត។

ប្រភពមួយបាននិយាយថា៖ "នៅក្នុងកម្មវិធីជប់លៀងនោះ មានតារាៗចូលរួមច្រើនណាស់ ប៉ុន្តែ Shawn សម្លឹងមើលតែ Hailey ម្នាក់គត់។ ពួកគេមើលមុខគ្នា ហើយបានថើបគ្នាថែមទៀតផង ដែលមើលទៅពួកគេពិតជាសប្បាយរីករាយណាស់"។

ប្រភពនោះបានបន្ថែមទៀតថា៖ "ពួកគេថែមទាំងបានបង្ហោះរូបភាពរបស់ពួកគេជាមួយតារាចម្រៀង Rita ដែលមើលទៅទាំងពីរនាក់នេះពិតជាចង់មនុស្សគ្រប់គ្នាមើលមកថាពួកគេពិតជាសក្ដិសមនឹងគ្នាខ្លាំងណាស់"។

នេះមិនមែនជាលើកទី ១ទេដែល Shawn និងអតីតមិត្តស្រីរបស់ Justin Bieber រូបនេះមានពាក្យចចាមអារ៉ាមថាទាក់ទងគ្នា តួយ៉ាងនៅខែមុន ក៏មានមនុស្សបានឃើញអ្នកទាំងពីរដើរកាន់ដៃគ្នាចេញពីពិធីបុណ្យ Halloween របស់ Kendall Jenner ផងដែរ៕

ចុចអាន៖

ប្រភព៖ Dailymail ប្រែសម្រួល៖ អន សុភក្ត្រា