Rita Ora ដើរតាមគន្លង តារាចម្រៀង Taylor Swift ក្នុងអាល់ប៊ុមទី ២

2017-11-14 23:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីឈានជើងចូលវិថីសិល្បៈ តារាចម្រៀង Rita Ora មានទំនាក់ទំនងស្នេហាជាមួយតារាប្រុសជាច្រើនមិនចាញ់ Taylor Swift ប៉ុន្មានទេ។

តារាប្រុសដែលធ្លាប់ជាអតីតមិត្តប្រុសរបស់តារាចម្រៀងរូបនេះមានដូចជា៖ លោក Rob Kardashian, James Arthur និង Calvin Harris ជាដើម។ រឿងដែលគួរឲ្យចាប់អារម្មណ៍នោះគឺតារាវ័យ ២៦ឆ្នាំរូបនេះ បានសរសេរបទចម្រៀងទាក់ទងនឹងមិត្តប្រុសទាំងអស់របស់នាងនៅក្នុងអាល់ប៊ុមថ្មី ដែលនឹងចេញជាផ្លូវការនៅពេលឆាប់ៗខាងមុខនេះ។

នេះបញ្ជាក់ឲ្យឃើញថាអាល់ប៊ុមថ្មីនេះគឺដើរតាមគន្លងបទចម្រៀងរបស់តារាចម្រៀង Taylor Swift និង Ed Sheeran ដែលភាគច្រើនបទចម្រៀងរបស់ពួកគេរៀបរាប់ពីអតីតសង្សាររបស់ខ្លួន។

ម្ចាស់បទ "Poison” រូបនេះបានប្រាប់វិបសាយ The Sun ថា៖“អាល់ប៊ុមថ្មីនេះ មានអត្ថន័យលើកទឹកចិត្តដល់មនុស្សជាច្រើន។ ជាពិសេសរឿងរ៉ាវរវាងខ្ញុំ និងមិត្តប្រុសខ្ញុំទាំងអស់ បានជំរុញខ្ញុំឲ្យសរសេរបទចម្រៀងក្នុងអាល់ប៊ុមថ្មីនេះឡើង”។

អ្នកគាំទ្រពិតជាមិនអាចរង់ចាំស្ដាប់បានទេនូវបទចម្រៀងរបស់នាងដែលបានរៀបរាប់ពីអតីតមិត្តប្រុសទាំងអស់៕