មានករណីប្រហារនៅអាមេរិកទៀតហើយ លើកនេះសម្លាប់មនុស្សអស់ ៤នាក់

2017-11-15 04:53:22
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មានមនុស្ស ៤នាក់ស្លាប់ និង ១០នាក់ផ្សេងទៀតរួមទាំងក្មេង២នាក់ ជាសិស្សសាលាបឋមនៅជិតទីក្រុង Corning បានរងរបួសដោយសារការបាញ់ប្រហារមួយ។ នេះបើតាមការអោយដឹងពីប៉ូលីសនិងសារព័ត៌មានក្នុងតំបន់។

តាមប្រភពពី Reuters បានឲ្យដឹងថា ខ្មាន់កាំភ្លើងដែលមានអាវុធស្វ័យប្រវត្តិនិងកាំភ្លើង២ដើមបានបើកការបាញ់ប្រហារជាច្រើនកន្លែងនៅទូទាំងសហគមន៍កាលីហ្វ័រនីញ៉ាខាងជើងកាលពីថ្ងៃ អង្គារ ដោយបានសម្លាប់មនុស្ស ៤នាក់មុនពេលត្រូវសម្លាប់ដោយប៉ូលិស។

លោកអធិការរង Mike Pence បានសរសេរនៅក្នុង Twitter របស់ខ្លួនថា "យើងមានការសោកស្ដាយយ៉ាងខ្លាំងនៅពេលដែលបានទទួលដំណឹងអំពីការបាញ់ប្រហារនៅរដ្ឋកាលីហ្វ័រញ៉ាខាងជើងដែលធ្វើអោយបាត់បង់ជីវិតមនុស្សរួមទាំងកុមារដែលមិនមានកំហុសផងនោះ។ យើងជំរុញឲ្យមានកិច្ចខិតខំប្រឹងប្រែងអនុវត្តច្បាប់ដោយម៉ឺងម៉ាត់។ យើងនឹងបន្តតាមដានស្ថានការណ៍និងផ្ដល់ការគាំទ្រពីសហព័ន្ធបន្តទៀត យើងសូមចូលរួមរំលែកទុកចំពោះជនរងគ្រោះទាំងអស់។"

ការបាញ់ប្រហារនេះបានចាប់ផ្ដើមឡើងក្នុងសាលាបឋម Rancho Tehama ដែលធ្វើអោយមនុស្សមួយចំនួនរងរបួស ប៉ុន្តែមិនមានបុគ្គលិកឬសិស្សសាលាបានស្លាប់នោះទេ។ ខ្មាន់កាំភ្លើងត្រូវបានគេស្គាល់ឈ្មោះថា Kevin Janson Neal អាយុ ៤៣ឆ្នាំ ដែលធ្លាប់ត្រូវបានចាប់ខ្លួនម្ដងកាលពីខែ កុម្ភៈ ពីបទចាក់សម្លាប់មនុស្ស។

លោក Coy Ferreira ដែលបានកំពុងជូនកូនទៅសាលារៀនបាននិយាយថា គាត់បានឃើញគ្រូម្នាក់បានរត់មកប្រាប់អ្នកគ្រប់គ្នានៅទីនោះអោយរត់ពួនក្នុងអាគារ ព្រោះខ្មាន់កាំភ្លើងកំពុងសំដៅមករកសាលារៀនហើយ ក្រោយមកគាត់ក៏បានលឺសំឡេងការបាញ់ប្រហាររយៈពេល ២០នាទី។

មន្ទីរពេទ្យ St. Elizabeth Community ក្នុងសហគមន៍ Red Bluff បានទទួលអ្នកជំងឺពីរនាក់រួមទាំងអ្នករងរបួសធ្ងន់ធ្ងរត្រូវបានបញ្ជូនទៅកន្លែងផ្សេងទៀត។ ចំណែកឯមជ្ឈមណ្ឌលវេជ្ជសាស្ត្រ Mercy នៅទីក្រុង Redding ក៏បានទទួលអ្នកជំងឺបីនាក់ និង មជ្ឈមណ្ឌលវេជ្ជសាស្ត្រ Enloe នៅទីក្រុង Chico ដែលមានចម្ងាយ ៦៤គីឡូម៉ែត្រពីកន្លែងកើតហេតុបានទទួលអ្នកជំងឺ ៥ នាក់ដែលក្នុងនោះ ៣ នាក់ត្រូវបានព្យាបាលនិងអនុញ្ញាតឲ្យត្រលប់ទៅផ្ទះវិញ៕