ក្រោយបណ្ដេញចេញ Ventura សុំទោសអ៊ីតាលីតែថាការដឹកនាំរបស់ខ្លួនល្អបំផុត
- 2017-11-16 02:09:31
- ចំនួនមតិ 0 | ចំនួនចែករំលែក 0
ក្រោយបណ្ដេញចេញ Ventura សុំទោសអ៊ីតាលីតែថាការដឹកនាំរបស់ខ្លួនល្អបំផុត
ចន្លោះមិនឃើញ
សហព័ន្ធបាល់ទាត់អ៊ីតាលីបានសម្រេចចែកផ្លូវគ្នាជាមួយលោក Giampiero Ventura ក្រោយមិនអាចជួយក្រុមជម្រើសជាតិឡើងទៅ World Cup នៅរុស្ស៊ីបាន។
ក្រុមជើងឯក៤សម័យកាលបានបរាជ័យក្រោមថ្វីដៃជម្រើសជាតិស៊ុយអែតនៅវគ្គ Play-off ធ្វើឲ្យពួកគេខកខានទៅ World Cup លើកដំបូងគិតចាប់ពីឆ្នាំ១៩៥៨មក។ ទោះជាយ៉ាងណាការចាញ់ស៊ុយអែត ១-០ នៅជើងទីមួយគឺជាកំណត់ត្រាចាញ់លើកទីពីរប៉ុណ្ណោះរបស់អ៊ីតាលីក្រោមការដឹកនាំរបស់លោក Ventura ប្រមាណ១៧ខែមកនេះ។
បុរសវ័យ៦៩ឆ្នាំបានសុំទោសដល់ជនជាតិអ៊ីតាលីចំពោះបរាជ័យដ៏តក់ស្លុត តែថាការដឹកនាំរបស់ខ្លួនមានកំណត់ត្រាល្អបំផុតមួយបើទោះជាមិនបានទៅ World Cup ក៏ដោយ។ "ការដឹកនាំរបស់ខ្ញុំគឺមានកំណត់ត្រាល្អបំផុតមួយក្នុងរយៈពេល៤០ឆ្នាំមកនេះ។ ១៧ខែកន្លងមកខ្ញុំដឹកនាំចាញ់តែ២ដងប៉ុណ្ណោះ"។
គ្រូបង្វឹកដែលគេឲ្យឈ្មោះថា គ្រូតាបាល់ទាត់ (Master of football) បានដឹកនាំអ៊ីតាលីជំនួសលោក Antonio Conte កាលពីខែមិថុនាឆ្នាំ២០១៦។ លោកធ្លាប់ដឹកនាំក្លឹបបាល់ទាត់ជាង២០ក្នុងអាជីពភាគច្រើនគឺនៅ Series Aហើយកត់សម្គាល់ឃើញមានក្លឹបធំៗមួយចំនួនដែរដូចជា Torino, Napoli, Udinese និង Sampdoria៕