ក្ដៅៗ! ស្នេហា Lee Min Ho និង Suzy ឈានដល់ផ្លូវប្រេះឆាហើយ

2017-11-16 04:58:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតចំណងស្នេហ៍របស់កំពូលតារាប្រុសស្រីលំដាប់កំពូលប្រចាំប្រទេសកូរ៉េ Lee Min Ho និង Bae Suzy បានឈានដល់ផ្លូវបំបែកហើយ ក្រោយទាក់ទងគ្នាបាន ២ឆ្នាំ។

សារព័ត៌មានកូរ៉េ Ilgan Sports បានទទួលដំណឹងពីប្រភពស្និទ្ធរបស់គូស្នេហ៍ទាំង ២ថា តារាសម្ដែង Lee Min Ho និង Suzy បានសម្រេចចែកផ្លូវគ្នាហើយ។ ប៉ុន្តែខាងផលិតកម្មរបស់តារាទាំង ២នៅមិនទាន់ចេញមុខអះអាង បញ្ជាក់បកស្រាយចំពោះបញ្ហានេះនៅឡើយទេ។

កន្លងមកធ្លាប់មានសារព័ត៌មានជាច្រើនចុះផ្សាយជាបន្តបន្ទាប់ពីពាក្យចចាមអារ៉ាមថា គូស្នេហ៍ទាំង ២បានបែកគ្នាហើយ ប៉ុន្តែក្រោយមកផលិតកម្មអ្នកទាំង ២ក៏បានចេញមុខច្រានចោល ពាក្យមិនពិតទាំងនោះ។ រហូតមកដល់ពេលនេះ រឿងរ៉ាវនេះបានលើតឡើងសាជាថ្មី ហើយមើលទៅដូចជាធ្ងន់ធ្ងរជាងលើកមុនទៅទៀត។

ជាក់ស្ដែង មិនត្រឹមតែបណ្ដាញព័ត៌មានក្នុងស្រុកទេ សូម្បីវិបសាយព័ត៌មានចិនដ៏ល្បី Sina ក៏បានចុះផ្សាយពីដំណឹងក្ដៅគគុកនេះដែរ នៅមុននេះបន្តិច។

តារាប្រុសស្រីល្បីឈ្មោះគូនេះ បានបើកបង្ហាញពីទំនាក់ទំនងស្នេហាជាមួយគ្នាកាលពី អំឡុងខែមីនា ឆ្នាំ ២០១៥។ ដោយឡែកក្នុងឆ្នាំ ២០១៧ នេះ ជាឆ្នាំដែល Minho ចូលបម្រើក្នុងជួរយោធា ខណៈ Suzy កំពុងមមាញឹកថតរឿង "While You Were Sleeping" ជាមួយ Lee Jung Suk៕

ប្រភព៖ Koreaboo | ent.sina ប្រែសម្រួល៖ យី សុធារី