រឿង “Titanic” នឹងបញ្ចាំងជាថ្មីក្នុងរោងកុនជាមួយចំណុចពិសេសៗស្មានមិនដល់
- 2017-11-16 09:10:00
- ចំនួនមតិ 0 | ចំនួនចែករំលែក 0
រឿង “Titanic” នឹងបញ្ចាំងជាថ្មីក្នុងរោងកុនជាមួយចំណុចពិសេសៗស្មានមិនដល់
ចន្លោះមិនឃើញ
រឿង “Titanic” នឹងយកមកចាក់បញ្ចាំងនៅក្នុងរោងភាពយន្តវិញជាថ្មីម្ដងទៀតក្នុងឱកាសខួបទី២០ឆ្នាំរបស់ខ្លួន។
អ្វីដែលពិសេសនោះ គឺរឿងដែលបានយកមកចាក់បញ្ចាំងលើកនេះត្រូវបានកែសម្រួលរូបភាព និងសំឡេងឲ្យកាន់តែច្បាស់ជាងមុនថែមទៀត ដោយត្រូវចាក់បញ្ចាំងគ្រប់រោងភាពយន្តនៅសហរដ្ឋអាមេរិកក្នុងរយៈពេលតែមួយសប្ដាហ៍ប៉ុណ្ណោះ។
បើតាមអ្នកដឹកនាំរឿង James Cameron បាននិយាយថា៖ "ពួកយើងបានកែសម្រួលរូបភាពឲ្យភ្លឺច្បាស់ប៉ុន្មាននាទីនៃរឿង Titanic នេះ ហើយលទ្ធផលពិតជាធ្វើឲ្យពួកយើងភ្ញាក់ផ្អើលជាខ្លាំង វាមើលទៅដូចជាទើបតែបានមើលរឿងនេះលើកទី១អ៊ីចឹង។ ឥឡូវនេះរឿងត្រូវបានកែសម្រួលទាំងស្រុង ហើយខ្ញុំពិតជារីករាយនឹងចែករំលែកបទពិសោធន៍នេះទៅទស្សនិកជនដែលរស់នៅក្នុងសហរដ្ឋអាមេរិក"។
លោកក៏បានបន្ថែមទៀតថា៖ “រឿងនេះវាលើសពី 3D ទៀត គឺលើសពីអ្វីដែលគ្រប់គ្នាធ្លាប់បានឃើញពីមុន។ រូបភាពនឹងលោតចេញពីអេក្រង់ដែលមើលទៅភ្លឺច្បាស់ និងរស់រវើក"។
រឿង “Titanic” ថ្មីនេះ នឹងចាប់ចាក់បញ្ចាំងចាប់ពីថ្ងៃទី ១ ខែធ្នូ ឆ្នាំ ២០១៧ ទៅក៏ដូចជានឹងមានចេញជាលក្ខណៈ 2D និង 3D នៅតាមតំបន់ខ្លះផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
