Ford Adventure ឆ្នាំនេះ កាន់តែធំ មានឡានចូលរួមជាង ១០០ គ្រឿង

2017-11-17 07:40:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន អ អិម អេ ខេមបូឌា (RMA Cambodia) បានរៀបចំដំណើរកម្សាន្ត Ford Adventure លើកទី ១១ ដែលមានរយះពេល ៤ថ្ងៃ ៣យប់ នឹងចាប់ផ្ដើមពីថ្ងៃទី ០៧ ដល់ថ្ងៃទី ១០ ខែ ធ្នូ ឆ្នាំ ២០១៧ ។ ដែលមានការចូលរួមសហការពីក្រុមហ៊ុន Total Cambodge និងក្រុមហ៊ុន Cambrew LTD & Angkor Beverage Co.,Ltd ។

លោក ងន សាំង អគ្គនាយកក្រុមហ៊ុន RMA Cambodia បានមានប្រសាសន៍ថា ដំណើរកំសាន្ត Ford Adventure សម្រាប់ឆ្នាំ ២០១៧ នេះកាន់តែមានភាពអស្ចារ្យជាងឆ្នាំមុនៗដោយមានការចូលរួមជាមួយនឹងក្បូនដង្ហែ រថយន្ត FORD ចំនួន ១០០គ្រឿង និងមានការចូលរួមពីអ្នកដំណើរប្រមាណ ៥០០នាក់ ដោយធ្វើដំណើរឆ្លងកាត់ព្រៃភ្នំនៅតាមដងផ្លូវនៃខេត្ត ប៉ៃលិន ឆ្ពោះទៅខេត្ត រ៉ាយ៉ង និងបន្តទៅទីក្រុង ប៉ាតាយ៉ា ប្រទេសថៃ រួមជាមួយបទពិសោធន៍ នៃការបោះជំរំដ៏អស្ចារ្យនៅលើវាលស្មៅនៅលើទឹកដីនៃខេត្ត ប៉ៃលិនក៏ដូចជាខេត្តរ៉ាយ៉ង ប្រទេសថៃនឹងមានឱកាសដើរទិញទំនិញជាច្រើនសំបូរបែបនៅតាមខេត្តទាំងនេះនិងចូលរួមលេងកម្មវិធីកម្សាន្តសប្បាយៗជាច្រើនទៀត ក៏មានការចូលរួមចែកអំណោយសម្រាប់ពលរដ្ឋតាមមូលដ្ឋាននេះផងដែរ ។

លោកបន្តទៀតថា ការធ្វើដំណើរនេះក៏មានចូលរួមចំណែកធ្វើឲ្យអតិថិជនរបស់ FORD មានទំនាក់ទំនងល្អស្គាល់គ្នាកាន់តែច្បាស់មានភាពស្និតស្នាលចេះជួយគ្នាទៅវិញទៅមកនិងទទួលបានបទពិសោធន៍ថ្មីៗជាច្រើននែការធ្វើដំណើរកម្សាន្តដ៏ធំប្រចាំឆ្នាំបែបនេះ។

ដំណើរកម្សាន្ត Ford Adventure បានរៀបចំដំបូងក្នុងឆ្នាំ ២០០៧ និងបន្តធ្វើជារៀងរាល់ឆ្នាំតាមគោលដៅតំបន់ទេសចរណ៍ក្នុងប្រទេសកម្ពុជា និងប្រទេសជិតខាង។ កាលពីឆ្នាំ ២០០៧ បានធ្វើដំណើរទៅខេត្តមណ្ឌលគិរី ឆ្នាំ ២០០៨ ទៅកាន់ខេត្តរតនគិរី ឆ្នាំ ២០០៩ ទៅកាន់ខេត្តបៃលិន ឆ្នាំ ២០១០, ២០១១ ទៅខេត្តចម្ប៉ាសាក់ប្រទេសឡាវ ឆ្នាំ ២០១២ ទៅកាន់ខេត្តមណ្ឌលគិរី ២០១៣ ទៅកាន់ខេត្តចម្ប៉ាសាក់ប្រទេសឡាវ ឆ្នាំ ២០១៤ ទៅកាន់ខេត្តត្រាតប្រទេសថៃ ឆ្នាំ ២០១៥ ទៅកាន់ខេត្តចន្ថាបុរី ប្រទេសថៃ និងលើកទី ១០ ទៅខេត្តបុរីរាមប្រទេសថៃ និងលើកទី ១១ នឹងធ្វើដំណើរទៅកាន់ទីក្រុង ប៉ាតាយ៉ា ប្រទេសថៃ៕