គ្រូជម្រើសជាតិវែលដាក់ពាក្យលាឈប់ ហើយទៅដឹកនាំ Sunderland

2017-11-18 02:02:26
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Chris Coleman បានស្ម័គ្រចិត្តដើរចេញពីតំណែងគ្រូបង្វឹកក្រុមជម្រើសជាតិវែលក្រោយដឹកនាំបាន ៥ឆ្នាំ។

Chris Coleman

សហព័ន្ធបាល់ទាត់វែលបានចេញសេចក្ដីថ្លែងការណ៍បង្ហាញពីការសោកស្ដាយចំពោះការចាកចេញរបស់បុរសវ័យ៤៧ឆ្នាំដែលធ្វើឲ្យក្រុមជម្រើសជាតិមានការផ្លាស់ប្ដូរខ្លាំងមួយរយៈចុងក្រោយ។ Coleman អតីតខ្សែការពារបានកាន់កាប់តំណែងខាងលើជំនួស Gary Speed កាលពីឆ្នាំ២០១២ហើយនាំវែលឡើងដល់វគ្គពាក់កណ្ដាលផ្ដាច់ព្រ័ត្រជាប្រវត្តិសាស្ត្រកាលពី Euro ២០១៦។

យ៉ាងណាក៏ដោយប្រទេសដែលស្ថិតនៅចក្រភពអង់គ្លេសមួយនេះបានខកខានឱកាសទៅលេង World Cup ជុំផ្ដាច់ព្រ័ត្រនៅរុស្ស៊ីធ្វើឲ្យ Coleman និងជំនួយការសម្រេចចិត្តចុះចេញពីតំណែង។ អតីតខ្សែបម្រើ Ryan Giggs និងអ្នកចាត់ការ West Bromwich លោក Tony Pulis សុទ្ធតែជាបេក្ខភាពអាចទៅជំនួសកៅអីដែលទំនេរ។

ការងារបន្ទាប់របស់ Coleman គឺទៅដឹកនាំក្លឹបអាជីពវិញម្ដងគឺលោកបានជ្រើសយក Sunderland ដែលកំពុងលេងនៅក្របខ័ណ្ឌលំដាប់ទីពីររបស់អង់គ្លេស៕