Fox Sports ៖ ទ្វីបអាស៊ីនៅខ្វះខ្សែប្រយុទ្ធ គួរដោះស្រាយបញ្ហានេះយ៉ាងណា?

2017-11-18 05:26:57
ចំនួនមតិ 0 | ចំនួនចែករំលែក 0

ចន្លោះមិនឃើញ

អាស៊ីមិនមានបញ្ហាទេសម្រាប់គុណភាពកីឡាករ ដូចជាខ្សែបម្រើកណ្ដាល និង ខ្សែបម្រើស្លាប ដែលចំណាត់ថ្នាក់អាចប្រៀបធៀបនៅអឺរ៉ុប ដូចជា កីឡាករ Son Heung-min, Keisuke Honda, Shinji Okazaki ជាដើម ប៉ុន្តែទ្វីបនេះនៅខ្វះគុណភាពកីឡាករពាក់អាវលេខ ៩។

ខ្សែប្រយុទ្ធអូស្រ្តាលី Tomi Juric

ប្រភពខាងលើងបន្តថា ក្នុងចំណោមលីគទាំង៩ដែលជួរមុខគេនៅអាស៊ីមានដូចជា ជប៉ុន ចិន កូរ៉េខាងត្បូង អូស្ត្រាលី ថៃ វៀតណាម ឥណ្ឌូណេស៊ី ម៉ាឡេស៊ី និង សិង្ហបុរី មានតែ A-Leaugue របស់អូស្ត្រាលី និង K-League Classic របស់កូរ៉េខាងត្បូងប៉ុណ្ណោះដែលមានកីឡាករក្នុងស្រុកជាអ្នកទាត់បាល់បញ្ចូលទីច្រើនបំផុត (top scorer) ក្រៅពីនោះ ចិនជាឧទាហរណ៍ កីឡាករមានគុណភាពភាគច្រើនមកពីអឺរ៉ុប។

ថាតើគេអាចដោះស្រាយបញ្ហានេះបានដោយរបៀបណា?

លោក Mads Davidsen សញ្ជាតិដាណឺម៉ាក ដែលបច្ចុប្បន្នជាជំនួយការលោក Andre Villas-Boas នៅក្រុម Shanghai SIPG ប្រទេសចិន បាននិយាយថា បាល់ទាត់សម័យទំនើបខ្សែបម្រើក៏ជាអ្នករកគ្រាប់បាល់បានច្រើនផងដែរ ដូចយ៉ាង Top Scorer មានRonaldo, Messi, Hazard សុទ្ធតែលេងនៅស្លាប ប៉ុន្តែលោកនិយាយថា នៅចិនលោកនៅតែត្រូវការខ្សែប្រយុទ្ធចិនពាក់អាវលេខ៩ ឲ្យកាន់តែច្រើន។

ក្រុមយុវជន Shanghai SIPG ហាត់ទាត់២០០គ្រាប់រាល់អាទិត្យសម្រាប់កីឡាករម្នាក់ៗ ដើម្បីប្រាកដថាពួកគេអាចបង្កើនជំនាញស៊ុត។ លោក Mads Davidsen និយាយថាបាល់ទាត់នៅចិន នៅតែត្រូវការកីឡាករបរទេស និង គ្រូបរទេសជាចាំបាច់ ដើម្បីជួយបង្កើនគុណភាពកីឡាករក្នុងស្រុក។ ទន្ទឹមនឹងនេះ គេអាចបង្កើតលីគ U-23 ជាក្របខ័ណ្ឌទី២ ឬ ទី៣ ដើម្បីឲ្យកីឡាករវ័យក្មេងទទួលបានការប្រកួតប្រជែងគ្រប់គ្រាន់។

ប៉ុន្តែ លោក Mads Davidsen មើលឃើញការពិបាកមួយទៀតដែលពិបាកដោះស្រាយ គឺ បញ្ហាប្រឈមរបស់ខ្សែប្រយុទ្ធ វ័យ១៩ឆ្នាំរបស់ចិន ក្នុងការបានឱកាសលេងឲ្យក្លឹប ប្រសិនបើមានខ្សែប្រយុទ្ធបរទេសឆ្នើមក្នុងក្រុម ព្រោះកីឡាករបរទេសទាំងនោះអាចនឹងជួយឲ្យក្លឹបមានឱកាសឈ្នះច្រើន ដែលក្លឹបមិនអាចរង់ចាំឲ្យកីឡាករវ័យក្មេងចិនយកឱកាសនោះមកបណ្ដុះសមត្ថភាពបានទេ៕

ប្រភព៖ Fox Sports Asia ប្រែសម្រួល៖ សុខ លាងហ៊ត

ពាក្យទាក់ទង

កីឡាបាល់ទាត់អាស៊ី

អត្ថបទពេញនិយម

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

មកដឹងពីអាហារផ្ដល់សុខភាពរាងកាយ ការពារពីការឆ្លងវីរុសផ្សេងៗ

ដឹងទេ! តើកម្ពុជា មានក្រុង ស្រុក ខណ្ឌ ចំនួនប៉ុន្មាននៅទូទាំងប្រទេស?

កម្ពុជា អាចមានភ្លៀងធ្លាក់ រយៈពេល៣ថ្ងៃ

Jude Bellingham ត្រូវបានជាប់ឈ្មោះជាកីឡាករល្អបំផុតប្រចាំឆ្នាំនៅ La Liga

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

ការប្រកួតមិត្តភាពវ័យចាស់កម្ពុជា នឹងវ័យចាស់ សិង្ហបុរី ជាការតេស្តសមត្ថភាពត្រៀមជួបវ័យចាស់ថៃ និងវៀតណាម

រំភើប! ក្រុមចម្រៀងដ៏ល្បី La Cima Cartel ប្រកាសធ្វើ Solo Concert មានសិល្បករជាតិ-អន្តរជាតិចូលរួមជាច្រើន

បញ្ជុះតម្លៃរហូតដល់ ៥០០០$ ក្នុងពិធីសម្ពោធដាក់លក់ជាផ្លូវការនូវ ម៉ូដែល JETOUR TRAVELLER T2 ២០២៥

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

ព្រឹត្តិការណ៍ ប្រចាំឆ្នាំ “តោះ! ដើរឡើងភ្នំបូកគោ ដើម្បីសុខភាពកុមារ” ដើម្បីរៃអង្គាសថវិកា ឧបត្ថម្ភដល់ មន្ទីរពេទ្យកុមារអង្គរខេត្តសៀមរាប

Jude Bellingham ត្រូវបានជាប់ឈ្មោះជាកីឡាករល្អបំផុតប្រចាំឆ្នាំនៅ La Liga