Ramos បាក់ខ្ទង់ច្រមុះ ក្នុងជំនួប Madrid Derby យប់មិញ
- 2017-11-19 01:49:34
- ចំនួនមតិ 0 | ចំនួនចែករំលែក 0
Ramos បាក់ខ្ទង់ច្រមុះ ក្នុងជំនួប Madrid Derby យប់មិញ
ចន្លោះមិនឃើញ
ការប្រកួត Madrid Derby កាលពីយប់មិញនេះ បញ្ចប់ទៅដោយលទ្ធផល ០-០ ដែលធ្វើឱ្យក្រុមសប្បាយចិត្តចំពោះលទ្ធផលនេះគឺ FC Barcelona ព្រោះពួកគេកំពុងដាច់ពិន្ទុរហូតដល់១០ពិន្ទុហើយ។
Real Madrid ព្យាយាមលេងសម្រុកខ្លាំងមែនទែន ដើម្បីស្វែងរកជ័យជម្នះយក៣ពិន្ទុដេញតាម Barcelona ។ តែទោះជាយ៉ាងនេះក្ដី ប្រព័ន្ធការពាររបស់ក្រុម Atletico Madrid នៅតែរៀបបានល្អដដែល ពោលគឺមិនឱ្យក្រុមរបស់លោក Zidane មានឱកាសរកគ្រាប់បាល់បាននោះទេ។ មិនត្រឹមតែរកគ្រាប់បាល់មិនបានហើយ កីឡាកររបស់ក្រុមអធិរាជស Sergio Ramos ថែមទាំងមានរបួសបាក់ខ្ទង់ច្រមុះត្រូវប្ដូរចេញទៀត ក្រោយពីប៉ះទង្គិចគ្នាជាមួយកីឡាករ Lucas Hernandez ។
នេះជាលើកដំបូងហើយដែលក្រុមទាំងពីរលេងរក្សាលទ្ធផល ០-០ គិតចាប់តាំងពីឆ្នាំ២០០៥មក ហើយលទ្ធផលនេះក៏បានធ្វើឱ្យក្រុមខ្លាំងទាំងពីរកាន់តែពិបាកក្នុងការប្រជែងជាមួយ Barcelona ដែរ ត្បិតអីការប្រកួតនៅសល់ច្រើនមែន តែពិន្ទុដាច់ឆ្ងាយពីគ្នាដល់ទៅ១០ពិន្ទុឯណោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
