ឥណ្ឌាដណ្ដើមបានតំណែងបវរកញ្ញាឯកពិភពលោកជាថ្មីក្នុងប្រវត្តិសាស្ត្រ ក្រោយឈ្នះ ១៧ឆ្នាំមុន!

2017-11-19 04:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នេះគឺជាមោទនភាពថ្មីមួយទៀតហើយ ក្នុងប្រវត្តិសាស្ត្រប្រទេសឥណ្ឌា ខណៈ ម្ចាស់តំណែងបវរកញ្ញាកំពូលសម្រស់របស់ខ្លួនមួយរូបទៀតហើយដែលបានទទួលជយលាភី Miss World ប្រចាំឆ្នាំ បន្ទាប់ពីអតីតបវរកញ្ញាពិភពលោក Priyanka Chopra បានឈ្នះការប្រកួតនេះកាលពី១៧ឆ្នាំមុន។

ទីបំផុត តំណែងស្រីស្អាតបវរកញ្ញាពិភពលោក (Miss World) ឆ្នាំ ២០១៧ បានរកឃើញម្ចាស់ហើយ កាលពីយប់ថ្ងៃទី ១៨ ខែវិច្ឆិកាម្សិលមិញនេះ នៅប្រទេសចិន។

ម្ចាស់ជយលាភី បានទៅលើ កញ្ញាឯកប្រទេសឥណ្ឌា Manushi Chhillar ដែលបានយកឈ្នះបេក្ខភាពចំនួន ១០៨ រូបផ្សេងទៀតដោយជោគជ័យ។

(ពីឆ្វេងទៅស្ដាំ, លេខ ២-លេខ១-លេខ៣)

ដោយឡែក សម្រាប់តំណែងស្រីស្អាតលេខ ២ បានទៅលើ កញ្ញាឯកមកប្រទេសម៉ិកស៊ីកូ Andrea Meza និងលេខ ៣បានទៅលើនាង Stephanie Hill មកពីប្រទេសអង់គ្លេស។

Manushi និងឪពុកម្ដាយ

Manushi Chhillar មានអាយុ ២០ឆ្នាំ មកពីរដ្ឋ Haryana ប្រទេសឥណ្ឌា។ នាងសិក្សានៅសាកលវិទ្យាល័យវេជ្ជសាស្ត្រ Bhagat Phool Singh Government Medical Collegeក្នុងទីក្រុង Sonepat។

អ្វីដែលកានតែពិសេស បើតាមប្រវត្តិរូបរបស់ Manushi លើគេហទំព័រ Miss World បានឲ្យដឹងថា ស្រីស្អាតរូបនេះចង់ក្លាយជាគ្រូពេទ្យវះកាត់បេះដូង ព្រមទាំងមានគម្រោងចង់បើកមន្ទីរពេទ្យ ព្យាបាលមិនគិតកម្រៃ នៅទីជនបទទៀតផង។

ក្រោយដឹងផលភ្លាម បុគ្គលល្បីៗប្រចាំប្រទេសជាច្រើនរូបបង្ហោះសារអបអរពេញដោយមោទនភាពចំពោះ Manushi។ ក្នុងនោះរួមមាន នាយករដ្ឋមន្ត្រីឥណ្ឌា, ប្រមុខរដ្ឋ Haryana និង កំពូលតារាស្រីអតីតជយលាភីបវរកញ្ញាឯកពិភពលោក ឆ្នាំ ២០០០ Priyanka Chopra ជាដើម៕