កាន់តែច្បាស់ហើយ តារាស្រី ដែលមកកាន់កម្ពុជាក្នុងពេលឆាប់ៗគឺ CL!

2017-11-20 01:51:14
ចំនួនមតិ 0 | ចំនួនចែករំលែក 0

ចន្លោះមិនឃើញ

នេះគឺជាដំណឹងដ៏ពិតជាគួរឲ្យភ្ញាក់ផ្អើល និងរំភើបមួយទៀតហើយ សម្រាប់អ្នកគាំទ្រវិស័យ K-Pop នៅកម្ពុជា នៅពេលដែលកំពូលតារាស្រីដ៏ល្បីប្រចាំវិស័យនេះរបស់កូរ៉េនឹងធ្វើដំណើរមកកាន់ប្រទេសកម្ពុជាក្នុងពេលឆាប់ៗដ៏ខ្លី។

បើតាមទំព័រហ្វេសប៊ុករបស់ Smart បានបង្ហោះឃ្លិបវីដេអូខ្លីមួយ ដោយបង្ហាញតម្រុយថា តើតារារូបណាដែលនឹងមកកាន់ប្រទេសកម្ពុជាឆាប់ៗនេះ? បើតាមរូបភាពក្នុងវីដេអូនោះ អ្នកដែលតែងស្រឡាញ់គាំទ្រតារារូបនេះ ប្រាកដជាដឹងច្បាស់ជាក់ជាមិនខាន ហើយរំភើបខ្លាំងទៀតផង។

តារាស្រីម្នាក់នោះគឺជា តារាចម្រៀង CL អតីតសមាជិកក្រុមចម្រៀងដ៏ល្បីប្រចាំប្រទេសកូរ៉េ និងក៏ជាតារាស្រីដែលកំពុងវិវត្តខ្លួនសន្សឹមចូលក្នុងពិភពសិល្បៈអាមេរិក។ មូលហេតុដែលនាំឲ្យអ្នកគាំទ្រទាំងអស់ច្បាស់ក្នុងចិត្ត ១០០ភាគរយ ថាជា CL ព្រោះឃ្លិបវីដេអូ ដែល Smart បានបង្ហាញ វាដូចគ្នាខ្លាំងទៅនឹងឈុត១របស់នាងក្នុងបទ "The Baddest Female" ដែលចេញកាលពីឆ្នាំ ២០១៣។