ដឹងទេ ក្នុងមួយថ្ងៃៗ សំរាមក្នុងក្រុងមានប៉ុន្មានតោន និងត្រូវបង់ថ្លៃសម្អាតយ៉ាងម៉េច?

2017-11-20 02:50:01
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកអ្នកមួយចំនួនប្រាកដជាមិនបានដឹងច្បាស់ទេថា ប្រជាពលរដ្ឋរស់នៅរាជធានីភ្នំពេញបានបង្កើតសម្រាម ឬបោះចោលវត្ថុលែងមានម្លៃ ជារៀងរាល់ថ្ងៃមិនក្រោម ២៣០០ តោននោះទេ ដោយមានក្រុមហ៊ុនប្រមូលសម្រាមមួយឈ្មោះថា ស៊ីនទ្រី មានតួនាទីប្រមូលជាប្រចាំ។

បើតាមរបាយការណ៍ពីក្រុមហ៊ុន ស៊ីនទ្រី បានឲ្យដឹងថា អ្នករស់នៅភ្នំពេញបានបញ្ចេញសម្រាមរបស់ខ្លួនប្រមាណជាង ទៅ ៧០ ០០០តោន ក្នុងមួយខែៗ ឬ ចន្លោះពីជាង ២០០តោន ទៅ ៣០០តោន ក្នុងមួយថ្ងៃ។ ហើយសម្រាមដែលពលរដ្ឋលែងត្រូវការទាំងនោះ សុទ្ធតែត្រូវបង់ថ្លៃចំណាយឲ្យក្រុមហ៊ុនស៊ីនទ្រី ដើម្បីសម្អាតផងដែរ។

យោងតាមលិខិតតារាងតម្លៃជាមូលដ្ឋានថ្លៃឈ្នួលសេវាដឹកជញ្ជូន សម្រាម និងសម្អាតក្រុងប្រចាំខែ ដែលចងក្រងដោយសាលាក្រុងភ្នំពេញ និងក្រសួងពាក់ព័ន្ធអនុញ្ញាតឲ្យក្រុមហ៊ុនស៊ីនទ្រីទទួលពីប្រជាពលរដ្ឋក្នុងតម្លៃខុសៗគ្នាដូចជា៖

-លំនៅដ្ឋាន ឬផ្ទះស្នាក់នៅធម្មតា ចាប់ពី០,៨០ដុល្លារឡើង ទៅតាមប្រភេទនៃផ្ទះ

-ទីតាំងអាជីវកម្ម ស្ថិតតាមអាជីវកម្ម ប្រភេទផ្លូវ ចាប់ពី ៣ ដុល្លារ ដល់ ៧៥ដុល្លារ

-គ្រឹះស្ថានហិរញ្ញវត្ថុ ឬធនាគារ ចាប់ពី ៥០ដុល្លារ ដល់ ១០០ដុល្លារ

-សណ្ឋាគារ និងផ្ទះសំណាក់ ចាប់ពី២ដុល្លារ ទៅ ៦ដុល្លារ/១បន្ទប់

-ក្លឹបកំសាន្ត រង្គសាល ឌីស្គូ និងបៀហ្គាដិន ចាប់ពី ៥០ដុល្លារ ទៅ ១០០ដុល្លារ

-រោងមហាស្រពឬភាពយន្ត តម្លៃ ៥០ដុល្លារ

-អគារ ឬឃ្លាំងលក់រថយន្ត ឬទោចក្រយានយន្ត ចាប់ពី៣០ដុល្លារ ទៅ ៥០ដុល្លារ

-ឃ្លាំងស្ដុកទំនិញ ១០ដុល្លារ ទៅ ១០០ដុល្លារឡើង

-ស្ថានីយប្រេង ៣០ដុល្លារទៅ ៥០ដុល្លារ

-ភូមិគ្រឹះ ៣ដុល្លារ ទៅ ២៥ដុល្លារ

-ស្ថានទូត ស្ថានកុងស៊ុល អង្គការក្រៅរដ្ឋាភិបាល ២៥ដុល្លារ ទៅ ១០០ដុល្លារឡើង

-ផ្សារទំនើប(Mart) ចាប់ពី ៥០ដុល្លារទៅ ១០០ដុល្លារ