ដឹងកាលបរិច្ឆេទប្រគំតន្ត្រីរបស់ CL និងថ្ងៃទទួលសំបុត្រចូលទស្សនាហើយ

2017-11-20 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានទាក់ទងនឹងដំណើរមកកាន់ប្រទេសកម្ពុជារបស់តារាចម្រៀងល្បីឈ្មោះ CL មកកាន់កម្ពុជា ពិតជាធ្វើឲ្យអ្នកគាំទ្រទាំងអស់មានការភ្ញាក់ផ្អើលជាខ្លាំង។

ជាក់ស្ដែងនៅមុននេះបន្តិច Smart បានបើកសន្និសីទកាសែតជម្រាបជូននូវព័ត៌មាន ក៏ដូចជាកាលបរិច្ឆេទលម្អិត ទាក់ទងនឹងវត្តមាន CL មកប្រគំតន្ត្រីក្នុងប្រទេសកម្ពុជា។

ផ្អែកតាមការជម្រាបជូនរបស់នាយកប្រតិបត្តិរបស់ក្រុមហ៊ុន Smart លោក Thomas Hundt បានឲ្យដឹងថាការប្រគំតន្ត្រីរបស់ CL នឹងធ្វើឡើងនៅថ្ងៃទី ០៩ ខែធ្នូ ឆ្នាំ២០១៧ខាងមុខនេះហើយ។ ឆ្លើយតបនឹងសំណួរថា តើមូលហេតុអ្វីបានជា Smart សម្រេចជ្រើសយក តារាស្រី CL មកកាន់ប្រទេសកម្ពុជា។ លោក Thomas បានឲ្យប្រាប់ថា ដោយសារ CL គឺជាតារាស្រីដែលមានភាពល្បីល្បាញខ្លាំងប្រចាំវិស័យ K-Pop។ ណាមួយ នាងក៏ជាតារាដែលមានភាពជោគជ័យគួរសមពេលវិវិត្តខ្លូន ឈានជើងចូលក្នុងពិភពសិល្បៈអាមេរិក។

មួយវិញទៀត Smart ពិតជាចង់អញ្ជើញ តារាល្បីៗជាច្រើនមកកាន់ប្រទេសកម្ពុជាទាំងអស់ ប៉ុន្តែវាមិនអាចទៅរួចដែលអញ្ជើញពួកគេក្នុងពេលតែមួយ។ ប៉ុន្តែក្រុមហ៊ុន នឹងព្យាយាមតាមដែលអាចធ្វើទៅបាន ក្នុងការនាំមកជូនប្រជាជនកម្ពុជានូវវត្តមានតារាល្បីៗជាច្រើនរូបទៀត មកធ្វើការប្រគំតន្ត្រីក្នុងប្រទេស។

ចំពោះសំបុត្រចូលរួមទស្សនាការប្រគំតន្ត្រីរបស់ CL នឹងដាក់លក់នៅថ្ងៃទី ២១ ខែវិច្ឆិកាស្អែកនេះ៕

អត្ថបទ៖ យី សុធារី