តិចអត់ដឹងថា ម្រាមដៃទាំង ៥ តំណាងអ្វីសម្រាប់អ្នកជោគជ័យ?
- 2017-11-21 05:15:00
- ចំនួនមតិ 0 | ចំនួនចែករំលែក 0
តិចអត់ដឹងថា ម្រាមដៃទាំង ៥ តំណាងអ្វីសម្រាប់អ្នកជោគជ័យ?
ចន្លោះមិនឃើញ
លោក ឌិន សុម៉េតធារិទ្ធ ប្រធានសមាគមសណ្ឋាគារនៅកម្ពុជា បានថ្លែងផ្ដាំផ្ញើដល់អ្នកចង់កា្លយជាសហគ្រិនថា មុនចាប់ផ្ដើម និងពេលបោះជំហានលើវិថីជំនួញ ដោយជោគជ័យសហគ្រិនគ្រប់រូបគប្បីរៀនតាមក្បួននៃម្រាមដៃទាំងប្រាំ។ លោកលើកឡើងបែបនេះ ក្នុងពិធីសម្ពោធក្រុមហ៊ុន Awsome 88 Gift នៅសណ្ឋាគារ Raffle កាលពីកន្លងទៅ។
ខាងក្រោមនេះជាការផ្ដល់អត្ថន័យតំណាងឲ្យម្រាមដៃនីមួយៗ៖
មេដៃ៖ ភាពជាអ្នកដឹកនាំ (Leadership)
មុននឹងលោកអ្នកឈានដល់ផ្លូវធ្វើជាសហគ្រិនមួយរូប ដំបូងនោះអ្នកត្រូវមានភាពអ្នកដឹកនាំមនុស្សជាមុនសិន និងក៏ត្រូវស្គាល់ពីចំណុចខ្លាំងនិងខ្សោយខ្លួនឲ្យបានច្បាស់ផងដែរ។
ចង្អុលដៃ៖ ការផ្ដោត (Focus)
លោកអ្នកត្រូវសម្លឹងមើលអ្វីមួយដែលខ្លួនចង់ធ្វើពិតប្រាកដ ហើយផ្ដោតលើគោលដៅនោះឲ្យចំ និងធ្វើវាឲ្យអស់លទ្ធភាព។
ដៃកណ្ដាល៖ ម៉ាកយីហោ(Branding)
ម៉ាកយីហោប្រៀបដូចជាកេរ្តិ៍ឈ្មោះរបស់អ្នក។ នៅពេលដែលចាប់ផ្ដើមអាជីវកម្មដំបូងត្រូវកសាងឈ្មោះឲ្យគេស្គាល់ ត្រូវតែពូកែនិយាយ ពូកែអួតពីម៉ាកយីហោផលិតផលខ្លួនឯងប្រាប់ដល់អ្នកទដៃ។
ដៃនាង៖ ទំនាក់ទំនង (Relation)
ការរកស៊ីមិនអាចរកតែម្នាក់ឯងបានទេ ជាពិសេសការចាប់ផ្ដើមដំបូងពិតជាត្រូវការទំនាក់ទំនងដើម្បីបង្កើតលុយ និងការប្រាស្រ័យទាក់ទងទៅវិញទៅមក។
កូនដៃ៖ ចំណុចតូច (Little thing)
នៅក្នុងអាជីវកម្មមួយ ចាំបាច់ត្រូវបង្កើតចំណុចតូចមួយដែលសម្គាល់ថាវាជាចំណុចពិសេសរបស់អាជីវកម្មអ្នក ហើយអ្នកដទៃមិនអាចចម្លងវាបាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
