វិធីផ្លាស់ប្ដូរ DNS Server លើ iPhone, iPad និងiPod Touch

2017-11-22 02:25:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ការផ្លាស់ប្ដូរ DNS server មិនថាលើ PC, Mac ឬទូរសព្ទនោះទេ អាចមានហេតុផលមួយចំនួន។ ពេលអ្នកមិនអាចបើកកម្មវិធី Facebook ឬ Twitter លើ iPhone ជាមួយនឹងការផ្លាស់ប្ដូរ DNS server អាចដោះស្រាយបញ្ហាបាន ឬអាចបើកគេហទំព័រលឿនជាងមុន ហើយពេលខ្លះអាចពង្រឹងសុវត្ថិភាព និងអាចចូលប្រើគេហទំព័រដែល Blocked បាន។

ការផ្លាស់ប្ដូរនេះ មិនដំណើរការរាល់ពេលនោះទេ ប៉ុន្តែ Internet service providers មួយចំនួន ប្រហែលជា Block នូវគេហទំព័រមួយចំនួនប៉ុណ្ណោះលើកម្រិត DNS ណាមួយ។ DNS servers ចំនួនពីរមានការនិយមប្រើរួមមាន Google DNS (8.8.8.8 និង 8.8.4.4) និង OpenDNS (208.67.222.222 និង 208.67.220.220) ។ យ៉ាងណាមិញ អ្នកគួរដឹងថា លើ iOS មិនអាចផ្លាស់ប្ដូរ DNS settings របស់ Cellular បានទេ គឺបានតែ Wi-Fi ប៉ុណ្ណោះ ហើយអ្នកត្រូវការផ្លាស់ប្ដូរ Settings រាល់ពេលភ្ជាប់នឹងបណ្ដាញ Wi-Fi ថ្មី។

របៀបផ្លាស់ប្ដូរ DNS settings លើ iPhone, iPad ឬ iPod touch៖

បើកកម្មវិធី Settings
ចុចលើ Wi-Fi
ចុចលើ icon i ក្បែរនឹងបណ្ដាញ Wi-Fi អ្នកចង់ផ្លាស់ប្ដូរ DNS servers
ចុចលើ DNS
លុបនូវ DNS servers មានស្រាប់ និង Key ក្នុង DNS server addresses

អ្នកត្រូវការបំបែកនូវ Primary server និង Alternate server ជាមួយនឹងសញ្ញា , ឧទាហរណ៍៖ អ្នកអាចបញ្ចូល 8.8.8.8, 8.8.4.4 ដើម្បីប្ដូរទៅកាន់ Google DNS servers៕