៣ក្រុមនេះសុទ្ធតែខ្លាំងរំពឹងឈ្នះជើងឯកជាតិឆ្នាំនេះ
- 2017-11-22 03:15:45
- ចំនួនមតិ 0 | ចំនួនចែករំលែក 0
៣ក្រុមនេះសុទ្ធតែខ្លាំងរំពឹងឈ្នះជើងឯកជាតិឆ្នាំនេះ
ចន្លោះមិនឃើញ
ការប្រកួតជ្រើសរើសជើងឯកកីឡាអេឡិចត្រូនិក(E-Sports)ប្រចាំឆ្នាំ២០១៧នឹងត្រូវធ្វើឡើងដើមខែធ្នូ ឆ្នាំ២០១៧នេះហើយដើម្បីស្វែងរកក្រុមតំណាងកម្ពុជាចេញទៅប្រកួតលើឆាកអន្តរជាតិនាឆ្នាំ២០១៨ខាងមុខ។ មុនការប្រកួតមកដល់ សូមបង្ហាញក្រុម៣ដែលសុទ្ធតែក្រុមខ្លាំងៗ និងសាងប្រវត្តិជោគជ័យច្រើនឆ្នាំមកហើយក្នុងពិភពកីឡាអេឡិចត្រូនិកនៅប្រទេសកម្ពុជា ក៏ដូចជាលើឆាកអន្តរជាតិ។ ក្រុមខ្លាំង៣គឺ Never Care, Secret និង Succesful។
Never Care៖ ក្រុមមួយនេះត្រូវបានបង្កើតច្រើនឆ្នាំមកហើយ និងចូលរួមការប្រកួតជ្រើសរើសជើងឯកជាតិរាល់ឆ្នាំ ព្រមទាំងចូលរួមការប្រកួតកីឡាអេឡិចត្រូនិកអន្តរជាតិ MATIC ក៏ច្រើនលើកដែរ។ ក្រុមនេះធ្លាប់ឈ្នះជើងឯកជាតិ និងឯករងជាច្រើនដង បើគិតតាំងពីឆ្នាំ២០១២។ ឆ្នាំ២០១៤ ក្រុម Never Care បានត្រឹមជើងឯករងជាតិ ឆ្នាំ ២០១៥ជាជើងឯកជាតិ និងឆ្នាំ២០១៦បានត្រឹមជើងឯករង។ លើអន្តរជាតិវិញ Never Care ត្រូវបានក្រុមនៅតាមប្រទេសមួយចំនួនញញើតនឹងសមត្ថភាពរបស់ពួកគេ។ កាលពីដើមឆ្នាំ២០១៧នេះ ក្រុមកម្ពុជានេះឈ្នះជើងឯកអន្តរជាតិ MATIC ដែលជាកំណត់ត្រាពានរង្វាន់អន្តរជាតិលើកទី២របស់កម្ពុជាសម្រាប់កីឡាអេឡិចត្រូនិក។ ក្រៅពីជើងឯក ក្រុមនេះធ្លាប់ឈបានជើងឯករង និងឈានវគ្គពាក់កណ្តាលផ្តាច់ព្រ័ត្រជាច្រើនលើក។
Secret៖ ក្រុមអាថ៌កំបាំងមួយនេះក៏ត្រូវបានបង្កើតជាច្រើនឆ្នាំហើយដែរ និងមានបទពិសោធច្រើនក្នុងការប្រកួតជើងឯកជាតិ និងអន្តរជាតិ។ កាលពីឆ្នាំ២០១៤ ក្រុម Secret ជាជើងឯកជាតិ និងឆ្នាំ២០១៦បានត្រឹមចំណាត់ថ្នាក់លេខ៣។ ក្រុមនេះបានតំណាងឲ្យកម្ពុជាទៅប្រកួតជើងឯកពានរង្វាន់កីឡាអេឡិចត្រូនិកអន្តរជាតិ MATIC ឆ្នាំ២០១៥នៅប្រទេសចិន ក៏ឈ្នះជើងឯកអន្តរជាតិមួយដើម្បីបង្កើតកំណត់ត្រាឈ្នះពានរង្វាន់អន្តរជាតិលើកដំបូងសម្រាប់កម្ពុជា។
Succesful៖ ក្រុមកម្ពុជាមួយនេះធ្លាប់ចូលរួមប្រកួតជើងឯកជាតិ និងអន្តរជាតិជាច្រើនលើក។ កាលពីឆ្នាំ២០១៦ Successful បានឈ្នះជើងឯកជាតិ និងបានចេញទៅប្រកួតកីឡាអេឡិចត្រូនិកអន្តរជាតិកាលពីឆ្នាំ២០១៧កន្លងទៅនេះ ប៉ុន្តែមិនទទួលបានលទ្ធផលល្អប្រសើរឡើយ។
ក្រុមណាជើងឯកជាតិសម្រាប់ឆ្នាំ២០១៧នេះសម្រាប់វិញ្ញាសា AK 2?
១.Five Fucrious
២.The Battle Fight
៣.Revenger
៤.Innocent
៥.Infinity
៦.Never Care
៧.Secret
៨.The Michael
៩.V-Friend
១០.Young Boys
១១.Hurricane
១២.Successfull
១៣.Kingattack
១៤.Prestiges
១៥.SamMes
១៦.The 5ME
ការប្រកួតជ្រើសរើសជើងឯកកីឡាអេឡិចត្រូនិក(E-Sports)ប្រចាំឆ្នាំ២០១៧នឹងធ្វើនៅសាលាតិចណូ ថ្ងៃសៅរ៍-អាទិត្យ ទី២-៣ ខែធ្នូនេះ។ ព្រឹត្តិការណ៍ឆ្នាំនេះរៀបចំដោយសហព័ន្ធកីឡាអេឡិចត្រូនិកកម្ពុជា និងគាំទ្រដោយគណៈកម្មាធិការជាតិអូឡាំពិកកម្ពុជា ព្រមទាំងចូលរួមឧបត្ថម្ភដោយកុំព្យូទ័រ ASUS ROG, ភេសជ្ជៈ Mountain Dew និងទូរទស្សន៍ MYTV ៕
បង្ហាញឈ្មោះក្រុមទាំង២៤ឡើងជុំផ្ដាច់ព្រ័ត្រ E-Sports ថ្នាក់ជាតិ
ក្រុមជើងឯក MATIC កម្ពុជាចូលរួមអបអរពិធីទទួលពានរបស់សម្ដេច ហ៊ុន សែន រសៀលនេះ
ថ្ងៃនេះ ប្រព័ន្ធផ្សព្វផ្សាយណាខ្លះនិយាយក្រុមកម្ពុជាឈ្នះជើងឯកMATIC 2015