មុនទិញកាមេរ៉ា Mirrorless ឬ DSLR ត្រូវដឹងចំណុចទាំងនេះសិន

2017-11-23 02:21:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កាមេរ៉ា DSLRs, កាមេរ៉ា Mirrorless ឬ CSCs ឬ ប្រព័ន្ធកាមេរ៉ាធម្មតា (Compact System Cameras) អាចឲ្យអ្នកផ្លាស់ប្ដូរ Lens បាន។ បើតាមឈ្មោះ មុខងារលើប្រព័ន្ធ Mirror មិនមានភាពស្មុគស្មាញដូចទៅនឹង DSLRs នោះទេ។ អ្នកអាចពិនិត្យមើលលក្ខណៈទាំង ១០ ខាងក្រោមដើម្បីស្វែងយល់ពី DSLRs និង CSCs៖

១. ទំហំ និងទម្ងន់

DSLR មានទំហំធំ អាចល្អសម្រាប់ Lens ធំ។ CSC មានទំហំតូច ស្រាល តែនៅប្រើ Lens ធំដូចទៅនឹង DSLR ដែរ។ កាមេរ៉ា Mirrorless មាន Sensor APS-C ដោយមានតួស្អាតតូច ប៉ុន្តែបែរជាត្រូវមាន Lens ធំធ្ងន់នៅខាងមុខ។ កាមេរ៉ា Panasonic និង Olympus មានទម្រង់ Micro Four Thirds sensor តូច ហើយ Lens ក៏តូចនឹងស្រាលផងដែរ ដែលជាប្រព័ន្ធសាមញ្ញងាយស្រួលប្រើប្រាស់ ប៉ុន្តែមិនសូវមានការចូលចិត្តប្រើប្រាស់ពីអ្នកថតរូប។ កាមេរ៉ា Mirrorless មានកំណែទម្រង់ច្រើនទាក់ទងនឹងទំហំ និងមុខងារក្នុងការទាក់ទាញអ្នកប្រើប្រាស់ ឆ្លើយតបនឹងការរិះគន់ពីអ្នកថតរូប ខណៈកាមេរ៉ា DSLRs កម្រិតដំបូងព្យាយាមបង្រួមដើម្បីប្រជែងនឹង CSCs មានតម្លៃស្រដៀងគ្នា។

២. Lens

សម្រាប់ DSLR ក្រុមហ៊ុន Canon និង Nikon មាននូវបណ្តាល Lens ធំៗ និងល្អជាច្រើន ដើម្បីប្រើតាមគោលបំណងជាច្រើន ខណៈក្រុមហ៊ុន Sony និង Pentax ស្ថិតនៅមិនឆ្ងាយតាមពីក្រោយ។ សម្រាប់ CSC ក្រុមហ៊ុន Olympus, Panasonic និង Fujifilm មានកម្រិត Lens ល្អៗ។ ម្យ៉ាងទៀតក្នុងនោះ ក៏មានក្រុមហ៊ុន Sony ផងដែរ នៅតាមពីក្រោយ។ កាមេរ៉ា Canon ឬ Nikon មាននូវកម្រិត Optics ធំ មានកម្រិត Lens ល្អៗប្រើច្រើន ហើយថែមទាំងអាចប្រើជាមួយនឹងប្រភេទ Lens ផ្សេងរបស់ Sigma និង Tamron។ កាមេរ៉ា Mirrorless មានលក្ខណៈចំណេញបន្តិច ដោយសារ Olympus និង Panasonic ប្រើគុលភ្ជាប់ Lens ដូចគ្នា។ ប្រព័ន្ធ Lens របស់ Fujifilm មានការរីកចម្រើនល្អជាមួយនឹង Prime lens និង Zoom lens ល្បឿនលឿន ដោយត្រឹមតែ Lens 18-55mm ក៏មានភាពលក្ខណៈល្អ។ ក្រុមហ៊ុន Sony ផ្តល់នូវ Optics កម្រិតចុងក្រោយមួយចំនួនយ៉ាងល្អ។

៣. Viewfinders

សម្រាប់ DSLR នៅបន្តប្រើ Viewfinder ខណៈ CSC ប្រើការបង្ហាញទិដ្ឋភាពលើអេក្រង់តែម្ដង។ រាល់ DSLR ប្រើនូវ Viewfinder ដោយវាជាផ្នែកមួយនៃការរចនារបស់ DSLR។ ប្រព័ន្ធកាមេរ៉ាធម្មតាមួយចំនួនមិនប្រើ Optical viewfinder នោះទេ ដូច្នេះអ្នកត្រូវប្រើអេក្រង់ LCD ខាងក្រោយ ដើម្បីពិនិត្យមើលរូបក្នុងការថត ប៉ុន្តែមិនដំណើរការល្អនោះទេ ពេលមានពន្លឺថ្ងៃ។ ប្រព័ន្ធកាមេរ៉ាធម្មតាប្រើ Viewfinder អាចមានតម្លៃថ្លៃជាង ហើយជាប្រភេទ Electronic viewfinder ជៀសជាង Optical viewfinder ដែលរូបភាពបង្ហាញដោយផ្ទាល់ពី Sensor មក ហើយមិនមែនតាមរយៈប្រព័ន្ធ Optical mirror/pentaprism នោះទេ។ Electronic viewfinder អាចបង្ហាញព័ត៌មានច្រើនជាង Optical viewfinder ឧទាហរណ៍ Live image histogram។ ម្យ៉ាងទៀត វាអាចបង្ហាញរូបភាព ដែលកាមេរ៉ានឹងថតបានល្អ។

៤. Autofocus

សម្រាប់ DSLR មានលក្ខណៈល្អ ពេលពិនិត្យលើ Subject មានចលនាលឿន ប៉ុន្តែខ្សោយក្នុង Live view mode។ សម្រាប់ CSC មានការបង្ហាញ Live view AF ពេញលេញ ដែលថតបានលឿន ពេលប្រើអេក្រង់ LCD។ DSLR ប្រើនូវ Autofocus modules លឿន និងមានប្រសិទ្ធភាព (Phase-detection) ក្នុងការពិនិត្យមើល Subject ភ្ជាប់នៅក្រោមកញ្ចក់ក្នុងតួកាមេរ៉ា ប៉ុន្តែនឹងដំណើរការពេលដែលកញ្ចក់ចុះក្រោមប៉ុណ្ណោះ។ ប្រសិនបើអ្នកប្រើ DSLR ក្នុង Live view mode ដើម្បីពិនិត្យមើលការថតរូប ឬវីដេអូលើអេក្រង់ LCD កញ្ចក់នឹងរុញឡើងលើ ហើយ DSLR នឹងប្ដូរប្រើប្រព័ន្ធ Contrast AF ដែលមានលក្ខណៈយឺត ដោយប្រើរូបភាពបានថតដោយ Sensor។ កាមេរ៉ា Canon DSLRs ដូចជា EOS Rebel T7i/ EOS 800D, EOS 80D និង 5D Mark IV រួមទាំង Dual Pixel CMOS AF របស់ក្រុមហ៊ុនដែលប្រើ Phase-detection បង្កើតក្នុង Sensor តែម្ដង ក្នុងការផ្ដល់ល្បឿនលឿន Autofocus ក្នុង Live view mode។

CSCs ប្រើ Autofocus ផ្អែកលើ Sensor ភាគច្រើនជា Contrast AF ប៉ុន្តែលឿនជាង Contrast AF mode លើ DSLRs។ CSCs កម្រិតខ្ពស់ភាគច្រើនប្រើប្រព័ន្ធ Hybrid AF កម្រិតខ្ពស់ ក្នុងការបញ្ចូលនូវ Contrast autofocus ជាមួយនឹង Phase-detection លើ Sensor ដូចជា Fujifilm X-T2 និង Olympus OM-D E-M1 Mark II ដែលមានល្បឿនលឿន ហើយ Focus លើ Subject បានយ៉ាងត្រឹមត្រូវ។

៥. Continuous shooting (ការថតជាបន្តបន្ទាប់)

សម្រាប់ DSLR កាមេរ៉ាល្អបំផុតមិនអាចប្រជែងនឹងល្បឿនរបស់ កាមេរ៉ា CSCs ល្អបំផុតនោះទេ។ សម្រាប់ CSC ការរចនា Mirrorless ដើម្បីបន្ថែមនូវល្បឿនកម្រិតខ្ពស់ក្នុងការថត។ កាមេរ៉ា Mirrorless ភាគច្រើនបច្ចុប្បន្ន អាចថតវីដេអូដល់ទៅកម្រិត 4K ហើយកម្រិត Continuous shooting ក៏លឿនផងដែរ ដោយសារ Processing power ខ្លាំង។ កាមេរ៉ា DSLR លក្ខណៈអាជីពកំពូលរបស់ Canon ដូចជា EOS-1D X Mark II អាចថតបាន 14 frames ក្នុងមួយវិនាទី ប៉ុន្តែ Mirrorless Olympus OM-D E-M1 Mark II អាចដល់ទៅ ៦០ frames ក្នុងមួយវិនាទី។

៦. វីដេអូ

DSLR មានការនិយមប្រើប្រាស់ច្រើន ប៉ុន្តែដោយសារ DSLRs មានមុន។ សម្រាប់ CSC វីដេអូកម្រិត 4K ក្លាយជាធម្មតា និងមាន Live view AF ល្អ។ កាមេរ៉ា DSLR ដំបូងផ្ដល់នូវវីដេអូកម្រិត HD និង Full HD ជាមួយនឹង Lens និងឧបករណ៍ទាក់ទងផ្សេងទៀត។ មានន័យថា ការថតរូបកម្រិតអាជីពភាគច្រើនប្រើ DSLR ប៉ុន្តែមានការផ្លាស់ប្ដូរពេល កាមេរ៉ា Mirrorless កម្រិតខ្ពស់ បង្ហាញខ្លួនហើយផ្ដល់នូវមុខងារលើវីដេអូល្អ ដែលអាចប្រកួតប្រជែងទៅនឹង DSLRs លើផ្នែកមួយចំនួន ហើយខ្លះអាចល្អជាង។ ការថតកម្រិត 4K ប្រែជាសាមញ្ញលើកាមេរ៉ា Mirrorless ខណៈ DSLR មានភាពយឺតយ៉ាវក្នុងការផ្ដល់នូវមុខងារនេះ។ ម្យ៉ាងវិញទៀត Live view autofocus និង Processing power មានប្រសិទ្ធភាពល្អ ខណៈកំណើនឧបករណ៍ទាក់ទងមានគ្រប់គ្រាន់ផ្ដល់ឲ្យអ្នកប្រើប្រាស់នូវប្រព័ន្ធដ៏ ពេញលេញមួយ។

៧. មុខងារ (Features)

សម្រាប់កាមេរ៉ាកម្រិតដំបូងមាន Manual controls បានពេញលេញ ហើយ DSLRs ជាកាមេរ៉ាខ្លាំងដែរ។ សម្រាប់ CSC អាចប្រជែងទៅនឹងមុខងារ DSLRs ហើយអាចឈានមុនមួយ ឬពីរជំហានទៀត។ ក្នុងការថតរូប មុខងារ និង Controls រវាង DSLRs និង CSC មានការពិបាកក្នុងការបែងចែក។ ទាំងពីរប្រភេទផ្ដល់នូវ Manual control ពេញលេញលើ Exposure និងការ Focus ហើយអាចថតរូបទម្រង់ File RAW ក៏ដូចជា JPEGs ដែលអាចឲ្យអ្នកទទួលបានគុណភាពរូបភាពល្អ។

៨. គុណភាពរូបភាព

សម្រាប់ DSLR ប្រើនូវ Sensor APS-C ឬ Full-frame ល្អកម្រិតចុងក្រោយ។ សម្រាប់ CSC ប្រើ Sensor ដូចគ្នា តែមានទម្រង់តូចជាង សម្រាប់កាមេរ៉ាតូច។ កម្រិត Resolution ខ្ពស់បំផុតរបស់ DSLR គឺ 50MP មានលើ Canon EOS 5Ds តែ Sony Alpha A7R II មាន 42.5MP នៅមិនឆ្ងាយនោះទេ។ កត្តាសំខាន់ក្នុងគុណភាពរូបភាពគឺទំហំ Sensor។ Full-frame sensor ធំ និងផ្ដល់នូវគុណភាពល្អ ខណៈកាមេរ៉ាមាន APS-C sensor ល្អ ហើយធូរថ្លៃជាង ដែលទំហំ Sensor ទាំងនេះមានទាំងលើ DSLRs និង CSCs។ ទីផ្សារប្រព័ន្ធកាមេរ៉ាធម្មតាក៏ផ្ដល់នូវទម្រង់តូចផងដែរ។ ទម្រង់ Micro Four Thirds បានប្រើដោយ Panasonic និង Olympus តូចជាង APS-C។ ដូច្នេះអ្នកគួរថ្លឹងថ្លែងទាំងកាមេរ៉ា និង Lens ថាអ្វីជាកត្តាសំខាន់សម្រាប់អ្នក ទំហំ ឬគុណភាពរូបភាពចុងក្រោយ។

៩. ថ្ម

សម្រាប់ DSLR អាចថតបានពី ៦០០ ដល់ ៨០០ សន្លឹកជាមធ្យម ហើយម៉ូដែលល្អអាចថតបានដល់ទៅ ១,០០០ សន្លឹកក្នុងការសាកមួយដង។ សម្រាប់ CSC មានលក្ខណៈខ្សោយជាង ដោយអាចថតបានពី ៣០០ ដល់ ៤០០ សន្លឹក ដូច្នេះអ្នកប្រហែលជាត្រូវការថ្មសាគួរ។

១០. តម្លៃ

សម្រាប់ DSLR អ្នកនឹងទទួលបានច្រើនជាមួយនឹង DSLR ធូរថ្លៃ ជាង CSC តម្លៃធូរថ្លៃ។ សម្រាប់ CSCs ធូរថ្លៃមិនមាននូវ Viewfinder នោះទេ។ អ្នកប្រហែលជាគិតថាការរចនាប្រព័ន្ធកាមេរ៉ាធម្មតាធ្វើឲ្យតម្លៃធូរថ្លៃ តែមិនដូច្នេះនោះទេ៕