Aston Martin ផលិតរថយន្តប្រណាំង ត្រៀមចូលសង្វៀនឆ្នាំក្រោយ
- 2017-11-24 02:42:49
- ចំនួនមតិ 0 | ចំនួនចែករំលែក 0
Aston Martin ផលិតរថយន្តប្រណាំង ត្រៀមចូលសង្វៀនឆ្នាំក្រោយ
ចន្លោះមិនឃើញ
Aston Martin បានប្រកាសពីគម្រោងផលិតរថយន្តប្រណាំងជំនាន់ថ្មី ម៉ូដែល Vantage GTE សម្រាប់ទុកត្រៀមប្រកួតនាឆ្នាំក្រោយ។ រថយន្តដ៏កំណាចនេះនឹងប្រកួតក្នុងថ្នាក់ប្រភេទ FIA GTE ដោយមានគូប្រជែងធំមួយរបស់ខ្លួននៃរថយន្ត Ford Mighty GT ។
ម៉ូដែលថ្មីរបស់ក្រុមហ៊ុនអង់គ្លេសមួយនេះ នឹងប្រើម៉ាស៊ីនចំណុះ ៤.០ លីត្រដូចមានលើ Mercedes-AMG ប្រភេទ Twin-Turbocharged V8 ដែលអាចផលិតកម្លាំងដល់ ៥៣៦ សេះ រចនាតួខ្លួនថ្មីទាំងស្រុង ផ្នែកខាងមុខមើលទៅរាងកាចបន្តិច អមជាមួយកាងដ៏ធំមួយនៅខាងក្រោយរថយន្ត ដែលបង្ហាញពីឥទ្ធិពលដ៏ខ្លាំងក្លារបស់ Aston Martin។
Vantage GTE ត្រូវបានក្រុមហ៊ុនសាកល្បងយកទៅធ្វើដំណើរបានចម្ងាយផ្លូវជាង ១៣,០០០ គីឡូម៉ែត្ររួចមកហើយ ក្នុងរយៈពេលរត់ពេញ ៣០ ម៉ោង នៅតំបន់ Navarra នៃប្រទេសអេស្ប៉ាញនិងរដ្ឋ Florida សហរដ្ឋអាមេរិក។ ការប្រណាំងផ្លូវការនៃពានរង្វាន់ FIA World Endurance សម្រាប់វត្តមានរថយន្ត Aston Martin Vantage GTE នឹងប្រព្រឹត្តិទៅនាថ្ងៃទី ៥ ខែឧសភា នៃប្រភេទ 6 Hours of Spa សម្រាប់ការបើកឆាកដំបូងនៃរដូវកាលថ្មីនេះ៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទបន្ទាប់
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
