ផ្អែក​តាម​របាយការណ៍​ពី​ ​Evan Blass​ ​នៃ​សារព័ត៌មាន​ ​Venture Beat​ ​បាន​ឲ្យ​ដឹង​ថា​វត្តមាន​ស្មាតហ្វូន​ ​ Galaxy S9/S9+​ ​របស់​ក្រុមហ៊ុន​ ​SAMSUNG​ នឹង​លេចចេញ​នា​ខែ​មករា​ ​ក្នុង​ពិព័រណ៍​ ​CES 2018​ ​នៅ​ទីក្រុង Las Vegas សហរដ្ឋអាមេរិក។

Galaxy S9/S9+​ ​ក៏​ត្រូវ​គេ​ដឹង​ថា​នឹង​បង្ហាញ​ខ្លួន​ជា​សាធារណៈ​នៅ​អំឡុង​ខែ​កុម្ភៈ​ ​និង​ចេញ​លក់​ផ្លូវការ​នៅ​ខែ​មិនា​ ​ឆ្នាំ​ ​២០១៨​ ​ខាង​មុខ​នេះ។

ម៉ូដែល​ទាំង ២ នឹង​មាន​អេក្រង់ ៥.៨ អ៊ីញ និង ៦.២ អ៊ីញ (កោង​សង​ខាង) ប្រភេទ SAMOLED ដោយ​បំពាក់​ឈីប​ជំនាន់​ថ្មី Snapdragon 845 ឬ​ Exynos 9 Series 9810 ។ S9+ មាន RAM ៦GB ធំ​ជាង S9 ធម្មតា​ត្រឹម ៤GB ប៉ុន្តែ​តួ​ខ្លួន​នឹង​រក្សា​នូវ​រន្ធ​ដោត​កាស​ទំហំ 3.5mm ដដែល បន្សំ​រន្ធ microSD ស្រប​ពេល Speaker ជា​ប្រភេទ AKG។​

ចំពោះ​ប្រព័ន្ធ​ស្កេន​ខ្ចៅ​ដៃ​នឹង​ត្រូវ​ប្ដូរ​ទីតាំង​មក​ដាក់​ក្រោម​កាមេរ៉ា​វិញ ខុស​ពី​ម៉ូដែល S8/Note 8 ក្រោយ​មាន​មតិ​មិន​ពេញ​ចិត្ត​ច្រើន​ពី​អតិថិជន៕

ទទួល​បាន​ព័ត៌មាន​ថ្មីៗ​ ​គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា​ Like Page Sabay News Technology...

អាន​អត្ថបទ​បន្ទាប់

• តិចនិក​ ​៥​ ​យ៉ាង​ថែទាំ​ម៉ូតូ​ឲ្យ​នៅ​ថ្មី​ ​មិន​ងាយ​រត់​ទៅ​រក​ជាង
• សិង្ហបុរី​ត្រៀម​ស្វាគមន៍​ស្មាតហ្វូន​ ​Gamer​ ​របស់​ ​Razer​ ​មុន​គេ​បង្អស់​ក្នុង​អាស៊ី

ប្រភព៖ Fonearena   ប្រែសម្រួល៖ កៅ រក្សា