បច្ចេកទេសធ្វើឲ្យថ្ម Drone ប្រើបានយូរ គឺតាមវិធីនេះ
- 2017-11-24 06:40:31
- ចំនួនមតិ 0 | ចំនួនចែករំលែក 0
បច្ចេកទេសធ្វើឲ្យថ្ម Drone ប្រើបានយូរ គឺតាមវិធីនេះ
ចន្លោះមិនឃើញ
Drone មានការនិយមប្រើប្រាស់ច្រើន សម្រាប់ផ្ដិតយករូបភាពពីលើអាកាស ដែលពីមុនពិបាកក្នុងការថត។ ថាមពលថ្មក្នុងការហោះហើរជាបញ្ហាចម្បង ដែលពេលខ្លះការធ្លាក់ Drone ឬបាត់បង់ការបញ្ជាពាក់កណ្ដាលទីមានការកើតឡើង។ អ្នកអាចពិនិត្យមើលនូវចំណុចខាងក្រោមជាយោបល់ក្នុងការថែរក្សា និងប្រើថាមពលថ្ម តាមសមត្ថភាពរបស់វា៖
ថ្មលើ Drone ភាគច្រើនជាប្រភេទ Lithium polymer ឬ LiPo អាចមានបញ្ហាពេលឡើងកម្ដៅ។ ការសាកថ្មពេលសីតុណ្ហភាពក្ដៅ អាចបន្ថយសមត្ថភាពរបស់ថ្មបាន។ ដូច្នេះ អ្នកគួរជៀសវាងសាកថ្មក្រោយប្រើប្រាស់ ពេល Drone នៅក្ដៅនៅឡើយហើយពេលសាកគួរស្ថិតនៅទីតាំងមានសីតុណ្ហភាពល្មម។ ម្យ៉ាងវិញទៀត អ្នកគួររក្សាទុកនូវ Drone នៅទីតាំងស្ងួត និងមានសីតុណ្ហភាពល្មម ជៀសវាងដាក់ក្នុងកៅអីក្រោយរថយន្ត។
Drone ភាគច្រើនមានមុខងារ Auto discharge (ផ្ដាច់ចរន្តដោយស្វ័យប្រវត្តិ) ដែលមុខងារនោះអាចស៊ីថាមពលថ្ម រយៈពេលពីរ បីថ្ងៃក្រោយពេលសាកថ្ម។ មានន័យថា រយៈពេល Drone រង់ចាំហោះហើរប៉ុណ្ណា ថាមពលថ្មបាត់បង់ច្រើនតាមនោះដែរ។ ដូច្នេះ ដើម្បីទទួលបានលទ្ធផលល្អ អ្នកគួរធ្វើការហោះហើរ Drone ក្រោយថ្មសាកបាន ពីរ ឬ បីម៉ោង។
អ្នកគួរផ្ដាច់ការសាកថ្មកាន់តែឆាប់ កាន់តែល្អ ពេលវាពេញ។ ថ្មមួយចំនួនមានមុខងារនេះ ប៉ុន្តែអ្នកមិនគួរសាកទុកចោលនោះទេ។
អ្នកគួរហោះហើរ Drone ពេលមានអាកាសធាតុស្រលះល្អ។ អ្នកមិនគួរហោះហើរ ពេលមានភ្លៀង ឬ ខ្យល់ខ្លាំងនោះទេ ព្រោះថាមពលថ្មកាន់តែច្រើននឹងប្រើក្នុងការទប់លំនឹងការហោះហើរ ហើយថ្មអាចអស់ពាក់កណ្ដាលទី។ ម្យ៉ាងទៀត សំណើមអាចបន្ថែមទម្ងន់លើ Drone ដែលប៉ះពាល់ដល់ថាមពលថ្មផងដែរ។
ប្រសិនបើអ្នកមិនត្រូវការ អ្នកគួរដោះចោលនូវសម្ភារៈដូចជា Lens filter, Propeller guards (រនាំងដែកការពារស្លាប) និងកាមេរ៉ាពេលអ្នកមិនថត ដែលវាបន្ថែមទម្ងន់លើ Drone ហើយថាមពលថ្មក៏ប្រើច្រើនផងដែរ។
ប្រសិនបើអ្នកទទួលបានសញ្ញាបង្ហាញពីថាមពលថ្ម អ្នកគួរតែចុះចតភ្លាម កុំប្រើថាមពលថ្មទាល់តែអស់ ដែលអាចឆាប់ខូចថ្ម៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទបន្ទាប់