មូលហេតុដែលអ្នកដឹកនាំរឿង "Titanic" តម្រូវឲ្យតួ Jack ស្លាប់

2017-11-27 07:56:42
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលជាង ២០ឆ្នាំមកហើយ ដែលរឿងកប៉ាល់ Titanic បានចាក់បញ្ចាំងក្នុងរោងកុន។ ប៉ុន្តែតែអ្វីមួយដែលនៅតែជាចម្ងល់ដល់ទស្សនិកជនគ្រប់គ្នារហូតមកដល់សព្វថ្ងៃនេះ គឺថា ហេតុអ្វីបានជាតួអង្គ Jack ត្រូវស្លាប់ បើបន្ទះក្ដារដែល Rose តោងនោះអាចដាក់មនុស្សបានដល់ទៅពីរនាក់?

ចំពោះចម្ងល់នេះ អ្នកដឹកនាំរឿងលោក James Cameron ធ្លាប់បានបកស្រាយពីមូលហេតុ ដែលលោកឲ្យតួអង្គប្រុសស្លាប់នៅចុងបញ្ចប់នៃសាច់រឿងនេះ។

អ្នកដឹកនាំរឿងរូបនេះបាននិយាយថា៖ "រឿងនេះ នឹងប្រែជាគ្មានន័យបើសិនជាលោកទុកឲ្យតួអង្គ Jack នៅរស់រានមានជីវិតនោះ”។

លោកបានបន្ថែមទៀតថា៖ "រឿងនេះគឺនិពន្ធឡើងក្នុងគោលបំណង និយាយពីការស្លាប់នឹងការបែកបាក់ អ៊ីចឹងហើយបានជាតួអង្គប្រុសត្រូវតែស្លាប់។ បើទោះបីជា Jack ត្រូវស្លាប់ដោយរបៀបនេះ ឬក៏ស្លាប់ដោយសារបំពង់ផ្សែងរបស់កប៉ាល់ធ្លាក់សង្កត់លើក៏ដោយ លោកនៅតែត្រូវលិចចុះទៅបាតសមុទ្រដដែល។ ទាំងនេះគឺហៅថាសិល្បៈ ហើយអ្វីៗទាំងអស់គឺជាហេតុផល និងភាពបត់បែនរបស់សិល្បៈ មិនមែនសម្រាប់ហេតុផលរូបសាស្ត្រនោះទេ"។

រឿង Titanic នេះត្រូវបានចាក់បញ្ចាំងជាផ្លូវការនៅថ្ងៃទី ១៩ ខែធ្នូឆ្នាំ ១៩៩៧ ហើយទទួលបានការគាំទ្រពីទស្សនិកជនគ្រប់បណ្ដាប្រទេសជុំវិញពិភពលោករហូតមកដល់សព្វថ្ងៃនេះ៕

ប្រភព៖ Nova 919 ប្រែសម្រួល៖ អន សុភក្ត្រា