ពិតជាមិនងាយស្រួលទេ! ចេន ប្រធានក្រុមតន្រ្តី Mustache Band និយាយពីការបង្កើតក្រុមខ្លួន
- 2017-12-03 01:24:53
- ចំនួនមតិ 0 | ចំនួនចែករំលែក 0
ពិតជាមិនងាយស្រួលទេ! ចេន ប្រធានក្រុមតន្រ្តី Mustache Band និយាយពីការបង្កើតក្រុមខ្លួន
ចន្លោះមិនឃើញ
Mustache Band ឆ្លងកាត់ការបរាជ័យ ការបែកបាក់ក្រុម និងឧបសគ្គជាច្រើនមុនក្លាយជាក្រុមតន្រ្តីមួយដ៏ល្បីនាពេលបច្ចុប្បន្ន។ យុវជន ចេន ប្រធានក្រុមតន្រ្តី នេះប្រាប់ Sabay ថាខ្លួនធ្លាប់បាក់បែកក្រុម ដោយសារសមាជិករបស់ខ្លួនពីមុនមានការមមារញឹកនិងការសិក្សារ ហើយគេមិនមានពេលគ្រប់គ្រាន់ក្នុងការហាត់សម្តែងជាបន្ត។
តែប្រធានក្រុមរូបនេះនៅតែមិនបោះបង់ក្តីស្រមៃរបស់ខ្លួន ក្រោយមកទើប ប្រុសសង្ហា ចេន ចាប់ផ្តើមស្គាល់គ្នាជាមួយ ម៉ានុត អ្នកលេងស្គរបច្ចុប្បន្នក្នុងក្រុម ហើយ ម៉ានុត ក៏ធ្លាប់មានក្រុមតន្រ្តីផ្ទាល់ខ្លួនដូចគ្នា ហើយក៏ត្រូវបំបែកក្រុមដូចក្រុមរបស់ ចេន ដូចគ្នា ហើយរួមគ្នានឹង លោក ប៉ាវ ដែលជាអ្នកលេងហ្គីតា ដែលជាអតីតសមាជិកក្រុមចាស់ ពេលនោះបទចម្រៀងរបស់ ចេន ដែលមានចំណងជើងថា «ប្រុសម្នាក់នេះសំខាន់នៅពេលណា» ក៏ចាប់ផ្តើមល្បី ក្រុមតន្រ្តី Mustache ដំបូងដែលមានគ្នាតែ៣នាក់ ប្រឈមមុននឹងបញ្ហា ពេលសំដែងព្រោះ ក្រុមមិនទាន់គ្រប់លក្ខណៈ។
ទើបក្រោយមកទៀត ចេន ប្រាប់ថា គាត់ក៏បាន ឭដំណឹងពីការសម្តែងរបស់ កូនសិស្សរបស់ខ្លួនម្នាក់ ឈ្មោះ Billy ដែលជាអ្នកលេង ហ្គីតា Bass ពួកគេក៏បានជួបគ្នាជាថ្មី ហើយ ចេន ប្រធានក្រុមនេះ ក៏បាននាំ Billy ចូលក្នុងក្រុម តែ ចេន តារាចម្រៀង Original Song ម្នាក់នេះបានប្រាប់ថា ៖ «តាមពិត Billy មិនមានសម្ថភាពទេ និយាយទៅគឺគ្មានដុងពេលដែលខ្ញុំស្គាល់ Billy ដំបូង តែក្រោយពីបានជួប Billy ម្តងទៀត ការលេងហ្គីតារបស់គាត់ល្អមែនទែន»។
ហើយសមាជិកចុងក្រោយ គឺ តាប់ ដែលជាអ្នកលេង keyboard ដែលធ្លាប់មានក្រុមពីមុនដែរ តែ តាប់ បានមើលឃើញការសម្តែងរបស់ ចេន ព្រមទាំងមានការពេញចិត្តលើបទចម្រៀងរបស់ ចេន ទើបរូបគេក៏បានទាក់ទងមក ចេន ផ្ទាល់ដើម្បីសាកល្បងលេងភ្លេងជាក្រុម ដែល ចេន និយាយថា ការលេងជាក្រុមដំបូង មិនបានល្អទេ តែពួកគេចូលចិត្តគ្នាទៅវិញទៅមក ហើយរាប់អានគ្នាដូចបងប្អូន ដូចជាគ្រួសារមួយទើបធ្វើឱ្យការសម្តែង និងការងាររបស់ពួកគេសុីចង្វាក់គ្នាល្អ។
កម្លោះ ចេន ប្រាប់ថា៖ « ខ្ញុំអត់មើលសំខាន់លើការលេងទេ អ្វីដែលយើងមើលឃើញសំខាន់ គឺទឹកចិត្ត និងការរាប់អានគ្នាដោយចិត្តស្មោះ ហើយខ្ញុំសប្បាយចិត្តមែនទែនដែលមានមិត្តភ័ក្រ្តយល់ចិត្តគ្នា»។ ប្រធានក្រុម Mustache ក៏រម្លឹកដែលថាក្រុមខ្លួនមានគោលការច្បាស់លាស់ ហើយបើមានបញ្ហាអ្វីមិនត្រូវចិត្ត សមាជិកក្រុមត្រូវតែនិយាយគ្នា ដោះស្រាយបញ្ហាជាមួយគ្នា ហើយរូបគេចង់ឱ្យក្រុមនេះដូចជាគ្រួសារ បើមានបញ្ហាអីដោះស្រាយហើយ មកធ្វើការជុំគ្នាវិញ។
ចុចអាន
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
