នៅចាំតួយាយវរនាថ កាលពីទសវត្ស ៩០ទេ? ប្រែប្រួលដល់ម្ល៉ឹងពេលនេះ

2017-11-28 01:57:16
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែឮឈ្មោះ យាយ "វរនាថ” ប្រិយមិត្តភាគច្រើននឹកឃើញភ្លាមដល់តួស្រីថៃម្នាក់ដែលដើរជាតួនេះ ក្នុងភាពយន្តភាគបែបអាគម មានទាំងអសុរកាយកាលពីឆ្នាំ ១៩៩២។

តារាស្រីជើងចាស់ Chamaiporn Jaturaput គឺជាតួស្រីក្នុងរឿង "យាយវរនាថ” ជំនាន់ទី ១ ក្នុងឆ្នាំ ១៩៩២។

ឈុត១ក្នុងរឿង "យាយវរនាថ"

តាមរយៈរឿងនេះ លោកស្រី ត្រូវមហាជនទាំងក្នុង និងក្រៅប្រទេសគាំទ្រ និងថែមទាំងស្គាល់ច្បាស់គ្រប់គ្នាទៀតផង។ ក្រៅពីរឿងនេះ ស្នាដៃមួយទៀតក៏មានការគាំទ្រច្រើនដែរ គឺរឿង "ភ្លើងព្រះនាង” ផលិតកាលពីឆ្នាំ ១៩៩៦។

មកទល់ឆ្នាំ ២០១៧ លោកស្រី Chamaiporn មានអាយុ ៥៤ឆ្នាំហើយ។ ថ្វីត្បិតកន្លងទៅជាច្រើនឆ្នាំ ប៉ុន្តែសម្រស់របស់លោកស្រី នៅតែស្រស់ស្អាត អ្វីដែលប្រែប្រួលគឺ គ្រាន់តែរាងធាត់ជាងមុនបន្តិច។ ពិសេសជាងនេះ លោកស្រីក៏នៅតែបន្តអាជីព ជាតារាសម្ដែងដដែលមិនបោះបង់ឡើយ ហើយកាលពីពេលថ្មីៗនេះ តួយាយ វរនាថរូបនេះ ក៏នៅតែបន្តការងារសម្ដែងដដែល។ អ្វីដែលកាន់តែពិសេស គឺលោកស្រីក៏បានសម្ដែងក្នុងរឿង "ភ្លើងព្រះនាង" ជំនាន់ថ្មី ឆ្នាំ ២០១៦ដែរ។

តារាសម្ដែង Chamaiporn និង Aum

តារាស្រីថៃជើងចាស់ ដែលភាគច្រើនសម្ដែងជាតួកាចរូបនេះ តែងទទួលបានការកោតសរសើរលើទឹកដៃសម្ដែង ព្រមទាំងមានភាពជោគជ័យមិនធម្មតារាល់ពេលបង្ហាញខ្លួនក្នុងខ្សែភាពយន្តនានា៕

ទស្សនាទាំងអស់គ្នា តើតួយាយវរនាថ ប្រែប្រួលយ៉ាងណាខ្លះក្នុងពេលបច្ចុប្បន្ន៖