Tesla Roadster ថ្លៃត្រឹម ២០ ម៉ឺនដុល្លារ ប៊ិះស៊ីដាច់ Bugatti តម្លៃ ៣ លានដុល្លារ

2017-11-28 23:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានសប្ដាហ៍មុននេះ ក្រុមហ៊ុន Tesla បានបញ្ចេញរថយន្តដឹកទំនិញអគ្គិសនី Semi ស្របពេលដែលក្រុមហ៊ុនរបស់អាមេរិកនេះ ក៏បង្កការភ្ញាក់ផ្អើលសម្រាប់ការបញ្ចេញរថយន្តស្ព័រ Tesla Roadster ម៉ូដែលថ្មីមួយទៀត ដែលមានតម្លៃធូរថ្លៃនិងកម្លាំងខ្លាំង។

គេហទំព័រក្រៅស្រុកមួយបានប្រៀបធៀបរថយន្ត**ថ្លៃជាង ២០ ម៉ឺនដុល្លារ**មួយនោះ ជាមួយអធិរាជរថយន្តល្បឿនលឿន Bugatti Chiron មានតម្លៃប្រហែល ៣ លានដុល្លារ។

តម្លៃខុសគ្នាប្រហែល ១៥ ដង តែគ្រប់គ្នាភ្ញាក់ផ្អើលមែនទែន។ ល្បឿនអតិបរមា Chiron អាចរត់បាន ៤២០ គ.ម/ម៉ ស្របពេល Roadster រត់បានខ្ពស់បំផុតត្រឹមតែជាង ៤០៥ គ.ម/ម៉ប៉ុណ្ណោះ។ ប៉ុន្តែកុងទ័រឡើងពី ០ ទៅ ៩៦ គ.ម/ម៉ Roadster ធ្វើបានល្អជាង ប្រើពេលត្រឹម ១.៩ វិនាទី ខណៈជើងខ្លាំង Chiron ប្រើពេលដល់ ២.៤ វិនាទី។

ពិសេសបើនិយាយពីការប្រើប្រាស់ថាមពលអគ្គិសនីសុទ្ធសាធ Tesla ធ្វើបានល្អខ្លាំង ដោយក្នុងការសាកបញ្ចូលមួយពេញ អាចធ្វើដំណើរបានជាង ៩៩៧ គ.ម ខណៈ Bugatti បានត្រឹម ៤៦០ គ.ម។

សរុបជារួមលទ្ធផលប៉ុននេះ អ្នកអាចវាយតម្លៃបានហើយរវាង Tesla និង Bugatti មួយណាដែលអ្នកចង់បាន៕