Uber បើកឲ្យអ្នកដំណើរជិះតាក់ស៊ីអត់យកលុយ សៅរ៍-អាទិត្យនេះ បើជិះទៅ/ពី សាលាតិចណូ

2017-11-29 03:24:31
ចំនួនមតិ 0 | ចំនួនចែករំលែក 0

ចន្លោះមិនឃើញ

Uber នឹងផ្ដល់ឱកាសឲ្យអ្នកដំណើរទាំងអស់ជិះតាក់ស៊ីដោយឥតគិតថ្លៃ (បញ្ចុះតម្លៃ ៥ ដុល្លារក្នុងមួយជើង សម្រាប់ការធ្វើដំណើរ ២ លើក ចំពោះតែអ្នកមិនធ្លាប់ប្រើ Uber) ដើម្បីធ្វើដំណើរទៅកាន់ ឬពីទីតាំងកម្មវិធី DigiteKH នៅសាលាតិចណូ ថ្ងៃសៅរ៍-អាទិត្យ ទី២-៣ ធ្នូនេះ ដោយប្រើកូដ “DigiteKH”។

គ្រាន់តែដោនឡូតកម្មវិធី Uber លើទូរសព្ទដៃពី Google Play Store ឬ App Store បន្ទាប់មកចុះឈ្មោះ និងធ្វើតាមជំហានខាងក្រោម៖

ចូលទៅ Menu នៅជ្រុងខាងលើផ្នែកខាងឆ្វេងអេក្រង់
ចុចលើ Payment
ចុចលើ Add promo/Gift code
បញ្ចូលកូដ “DigiteKH” បន្ទាប់មកចុចលើ Add
ចាប់ផ្ដើមធ្វើដំណើរជាមួយ Uber។

អ្នកចូលរួមកម្មវិធីបច្ចេកវិទ្យា DigiteKH ទាំងអស់ អាចទៅកាន់បញ្ចរ Uber ដើម្បីសួរសំណួរផ្សេងៗពី Uber ទទួលបានកូដបញ្ចុះតម្លៃ និងកាដូស្អាតៗទៀតផង។

Uber ជាកម្មវិធីទូរសព្ទដៃសម្រាប់ស្វែងរកសេវាតាក់ស៊ីធ្វើដំណើរទៅមក ដែលមាននៅទូទាំងពិភពលោក។ Uber ដែលត្រូវបានបង្កើតឡើងនៅរដ្ឋសាន់ហ្វ្រាន់ស៊ីស្កូ សហរដ្ឋអាមេរិក ទើបបើកសម្ពោធផ្លូវការនៅភ្នំពេញ បាន ២ ខែ។

ចង់ដឹងព័ត៌មានបន្ថែមពីរបៀបប្រើកម្មវិធី Uber ចូលវិបសាយ www.uber.com ៕

ដោយ៖ សុផាត