រថយន្តបាឡែន ឮដំណឹងមិនសូវនាំចូល ហើយលក់មិនសូវដាច់ទៀត

2017-11-29 04:02:06
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមឈ្មួញនាំចូលរថយន្តពីរបីកន្លែង ដែល Sabay បានសាកសួរឆ្លើយដូចៗគ្នាថា រថយន្តបាឡែនពេលនេះមិនសូវមានទីផ្សារទិញលក់ទេ និយាយរួមលក់អត់ចេញតែម្តង។

នៅតាមឃ្លាំងនានា នៅពេល Sabay ជិះឆ្វែលរកមើលស៊េរីឡានផ្សេងៗស្ទើរតែគ្មានរថយន្តប្រភេទនេះដាក់លក់ បើឃើញក៏មានមួយៗដែរ។

លោក ប៉េងលីម ម្ចាស់ឃ្លាំងលក់រថយន្តដ៏ធំមួយកន្លែងនៅក្បែរស្តុបទេពផនប្រាប់ថា ទីផ្សាររថយន្តបាឡែនពេលនេះស្ងាត់ទាំងអ្នកទិញ ស្ងាត់ទាំងឈ្មួញនាំចូល។

"អូនឯងដើរមើលតាមឃ្លាំងនានាពេលនេះទៅ ស្ងាត់ជ្រាបគ្មានសូវគេតាំងលក់ទៀតទេ"។

លោកថា ឈ្មួញជាច្រើនមិនសូវយកមកលក់ទៀតទេ ចៀសវាងកប់លុយចោលដោយសារមិនសូវមានអ្នកទិញ ហើយបើលក់ចេញក៏មិនសូវចំណេញច្រើនដែរ។

ចំណែកម្ចាស់ឃ្លាំងលក់រថយន្តមួយកន្លែងទៀត តាមផ្លូវព្រះមុនីវង្សប្រាប់ថា ពីមុនបាឡែនត្រូវប៉ាន់អ្នករត់តាក់ស៊ី តែឥឡូវគេមករកស៊េរីខ្ពស់ៗដូចជា Highlander, Lexus អី។

តើមកពីអី? ឈ្មួញវ័យជាង ៤០ ឆ្នាំនេះសួរបកវិញ។

លោកបន្តថា រថយន្តប្រភេទបាឡែនមានតម្លៃចាប់ពី ១០ ០០០ ដុល្លារជាង ឯអាខ្លាញ់គោអាចឡើងដល់ ១៦ ០០០ដុល្លារ។ សួរថាតម្លៃប៉ុណ្ណេះមានអ្នកទិញអត់ គេប្រាកដជារកមើលស៊េរីខ្ពស់ដូចជា Lexus, Highlander អីហើយ បើខុសតម្លៃគ្នាតិចតួច។

រថយន្តបាឡែនដែលគេនិយមទិញជិះចាប់ពីស៊េរី ០២។ រថយន្តបាឡែន មានច្រើនប្រភេទដូចជា LE, XLE, Half Full និង Full-Option ជាដើម។

កញ្ញារចនា អ្នកលក់រថយន្តនៅឃ្លាំងហេង ហ៊ុយ នៅក្បែរទីស្តីការគណៈរដ្ឋមន្ត្រីប្រាប់ថា នៅហាងរបស់កញ្ញារថយន្តបាឡែននៅតែលក់បានមួយៗ មិនសូវដាច់ភ្ញៀវនោះទេ។

អ្នកនាងថា មួយខែអាចលក់បាន ៣ ទៅ ៤ គ្រឿង ដែលភាគច្រើនជាអ្នកដែលមានគ្រួសារ។

កញ្ញាក៏មើលឃើញពីឥរិយាបថផ្លាស់ប្តូររបស់ពលរដ្ឋងាកមកចាប់អារម្មណ៍ស៊េរីខ្ពស់ៗដូចជាប្រភេទ Lexus, Highlander ដោយសារវាស៊េរីលើជាង ហើយតម្លៃខុសគ្នាតិចតួច៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...

អានអត្ថបទ

អត្ថបទ៖ ប៊ុណ្ណារ៉ា

ពាក្យទាក់ទង

ព័ត៌មានបច្ចេកវិទ្យាក្នុងស្រុក Secondhand Car Campaign

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

Mohamed Salah ជាប់ឈ្មោះក្នុងបញ្ជីអ្នក Assist ច្រើនជាងគេទាំង១០នៅ EPL

អត្ថបទថ្មី

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

ការដាំដើមឈើក្នុងកម្មវិធីផ្សារណូអែលនៅទីក្រុងនរា

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

តារាសម្ដែងប្រុសកូរ៉េ ជាទីស្រឡាញ់ប្រចាំវិស័យនៅឆមាសទី ១ ឆ្នាំ២០២៤

អគ្គលេខាធិការសហព័ន្ធប៊ូល និងប៉េតង់៖ សហព័ន្ធខ្លាំងទៅបានលុះត្រាសម្ព័ន្ធ សមាគម ក្លឹប ខ្លាំងដូចគ្នា

ស្មានមិនខុស! ជួបហ្វេនៗផ្ទាល់ ព្រាប សុវត្ថិ ដកដៃ ដើរទៅមុខស្ទើរមិនរួច ព្រោះផ្កាកុលាប និងក្ដីស្រឡាញ់