គន្លឹះថតរូបអាគារចាស់ៗ ដែលគ្រប់គ្នាគួរតែចេះ

2017-11-30 02:25:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថាបត្យកម្មអាគារមានច្រើនប្លែកៗ ដែលជាស្នាដៃច្នៃប្រឌិតបង្កើតរបស់ស្ថាបត្យករ អាចល្អ ឬមិនសូវល្អ ដោយស្ថិតនៅទីតាំងណាមួយមានរយៈពេលមួយ។ ប្រសិនបើអ្នកចាប់អារម្មណ៍ពីសំណង់អាគារចំណាស់ ឬទាន់សម័យថ្មីអ្នកអាចថតរូបភាពជាអនុស្សាវរីយ៍ ព្រោះមានតែរូបភាពទេ ដែលនៅស្ថិតស្ថេរយូរអង្វែង។ អ្នកអាចពិនិត្យមើលគំនិតខាងក្រោម ក្នុងការថតរូបសំណង់អាគារផ្សេងៗ៖

១. ឧបករណ៍ប្រើប្រាស់

អ្នកអាចប្រើ Wide angle lens ក្នុងការថតរូបអាគារ ឬ Telephoto lens ដែលចាប់យករូបភាពលម្អិតបានគួរឲ្យចាប់អារម្មណ៍។ ពេលអ្នកថតចំពេលមានពន្លឺថ្ងៃ អ្នកអាចប្រើ Polarizing filter ក្នុងការកាត់បន្ថយចំនួន Reflection ឧទាហរណ៍ បង្ហាញពីបង្អួចរបស់អាគារ ហើយអាចផ្តល់នូវពណ៌បានល្អ ជាពិសេសចំពោះផ្ទៃមេឃ។ មួយវិញទៀត ក្នុងស្ថានភាពមានពន្លឺមិនគ្រប់គ្រាន់ អ្នកគួរប្រើ Tripod ដោយមានភាពងាយស្រួលថតរូបលក្ខណៈ Panoramic ហើយថែមទាំងល្អសម្រាប់រូបភាពមាន Aperture តូច ក្នុងការទទួលបាននូវភាពលម្អិត។

រូបតំណាង

**២. ងើបពីព្រលឹម**

ការងើបពីព្រលឹម សម្រាប់ការថតរូបផ្ដល់នូវប្រយោជន៍ច្រើន ដោយមិនសូវមានមនុស្សបង្ហាញក្នុងទិដ្ឋភាពកន្លែងថត ហើយថែមទាំងមាននូវពន្លឺដ៏ស្រទន់ពេលព្រឹមទៀត ដែលផ្ដល់នូវទិដ្ឋភាពមួយដ៏ល្អ។

រូបតំណាង

៣. ថតរូបក្នុងលក្ខខណ្ឌផ្សេងៗ

អ្នកគួរសាកល្បងថតរូបអាគារជាមួយនឹងស្ថានភាពពន្លឺផ្សេងៗគ្នា ព្រោះការថតពេលព្រឹកព្រលឹមដោយមិនសូវមានមនុស្ស និងមានពន្លឺស្រទន់ ឬធាតុអាកាសចុះអ័ព្ទ ឬពេលថ្ងៃលិច មិនតែងតែសាកសមនឹងស្ថាបត្យកម្មអាគារទាំងអស់នោះទេ ដូច្នេះអ្នកគួរសាកល្បងលើអាគារដដែលជាមួយនឹងពេលវេលា និងអាកាសធាតុខុសគ្នា។

រូបតំណាង

៤. ពិនិត្យមើលប្រវត្តិសាស្ត្រ

មុនអ្នកធ្វើដំណើរកម្សាន្ត អ្នកគួរពិនិត្យមើលលើគេហទំព័រ ឬសៀវភៅទាក់ទងនឹងកន្លែង ឬអាគារនោះ ដើម្បីជាគំនិត ក្នុងការកំណត់ទីតាំងថត និងងាយស្រួលបង្ហាញជាសាច់រឿង តាមរយៈរូបភាព។

៥. គិតអំពីប្លង់

អ្នកគួរដឹងពីរូបមន្តកំណត់ប្លង់មួយឈ្មោះថា Golden crop rule ដោយមានបន្ទាត់ឆ្នូតលើរូបភាព មានចំណុចប្រសព្វបួន ដូច្នេះអ្នកអាចផ្ដោត Subject សំខាន់លើចំណុចប្រសព្វមួយ ហើយផ្ដោត Subject បន្ទាប់នៅចំណុចប្រសព្វមួយទៀត ដែលមានភាពបង្ហាញពីគ្នាទៅវិញទៅមក។ ចំពោះការដាក់ Subject លើចំណុចប្រសព្វ អ្នកគួរចាប់ផ្ដើមពីផ្នែកប្រសព្វលើខាងឆ្វេង ទៅផ្នែកប្រសព្វក្រោមខាងស្ដាំ មានរាងជាអក្សរ Z។ សម្រាប់អាគារអ្នកអាចបង្ហាញពីផ្លូវភ្ជាប់នឹងអាគារ រូបភាពអាគារចាំងពីទឹក និងលក្ខណៈផ្សេងទៀត។

រូបតំណាង

៦. ការបង្ហាញធាតុ

ភ្នែកយើងអាចឃើញបន្ទាត់ត្រង់លើសំណង់អាគារធំភាគច្រើន តែកាមេរ៉ាកង្វះសមត្ថភាពនេះ ដូច្នេះអ្នកនឹងឃើញបន្ទាត់បង្រួមលើអេក្រង់ ជៀសជាងបន្ទាត់ត្រង់។ ក្នុងការការពារករណីនេះ អ្នកត្រូវថតដោយ Lens តម្រង់ត្រង់ទៅចំណុចកណ្ដាលនៃអាគារ ចន្លោះពីបន្ទាត់ផ្ដេកខាងលើ និងខាងក្រោម ប៉ុន្តែមិនតែងតែដំណើរការនោះទេ ដូច្នេះអ្នកអាចកែប្រែទិដ្ឋភាពបែបនេះ លើកុំព្យូទ័រ ដោយអាចប្រើកម្មវិធីក្នុងការកែតម្រូវណាមួយមាន Straighten Lines tool។

រូបតំណាង

៧. ព្យាយាមមុំផ្សេង

អ្នកគួរថតរូបអាគារជាមួយនឹងមុំផ្សេង អាចតម្រង់ Lens ឡើងលើភ្ជាប់ជាមួយមេឃ ឬងាកឆ្វេង ស្ដាំភ្ជាប់នឹងទិដ្ឋភាពជុំវិញ ដែលបង្ហាញរូបភាពកាន់តែចាប់អារម្មណ៍។

រូបតំណាង

៨. ផ្ដោតលើភាពលម្អិត

អ្នកគួរចាប់យករូបភាពធាតុសំខាន់ៗនៅក្នុងអាគារ ដែលបង្ហាញពីតម្លៃរបស់អាគារកាន់តែច្រើន លើទិដ្ឋភាពទាំងស្រុង។

រូបតំណាង

៩. ចំណាយពេលវេលា

ពេលអ្នកព្យាយាមថតរូបពេលព្រឹកព្រលឹម ពេលយប់ ពេលថ្ងៃត្រង់ ឬពេលអាកាសធាតុមិនល្អ អ្នកគួរចាប់យករូបភាពអាគារជាមួយមុំផ្សេងៗ ព្រោះអាគារនៅនឹងមួយកន្លែង ដូច្នេះអ្នកត្រូវដើរ ស្វែងរកមុំល្អៗ៕