ក្រុមហ៊ុន​ ​DJI​ ​ដែល​ជា​ជើង​ខ្លាំង​ខាង​ផលិត​ ​Drone​ ​មាន​ការិយាល័យ​កណ្ដាល​ក្នុង​ទីក្រុង​ ​Shenzhen​ ​ដែល​ជា​ព្រំដែន​រវាង​ចិន​ដីគោក​ ​និង​ទីក្រុង​ហុងកុង​នោះ​ ​ត្រូវ​គេ​ចោទ​ថា​បាន​លួច​ស៊ើបការណ៍​ពី​ទឹក​ដី​សហរដ្ឋអាមេរិក​ ​ឲ្យ​ទៅ​រដ្ឋាភិបាល​ទីក្រុង​ប៉េកាំង​ ​ប្រទេស​ចិន។

ការ​រក​ឃើញ​នេះ​ធ្វើ​ឡើង​ដោយ​អាជ្ញាធរ​គយ​អន្តោប្រវេសន៍​របស់​សហរដ្ឋអាមេរិក​ ​ដែល​បញ្ជាក់​ថា​ទិន្នន័យ​ពី​ហេដ្ឋារចនាសម្ព័ន្ធ​សំខាន់​ៗ​ ​ទីតាំង​ស្ថានីយ​ចែក​ចាយ​អគ្គិសនី​ ​ច្បាប់​ ​និង​ព័ត៌មាន​ជា​ច្រើន​ផ្សេង​ទៀត​របស់​អាមេរិក​ត្រូវ​ប្រមូល​យក​ទៅ​ដោយ​ ​Drone​ ​និង​ ​App​ ​របស់​ ​DJI។

ក្នុង​លិខិត​ប្រកាស​របស់​ ​អាជ្ញាធរ​គយ​អន្តោប្រវេសន៍​សហរដ្ឋអាមេរិក​ក៏​បញ្ជាក់​យ៉ាង​ច្បាស់​ថា​ ​DJI​ ​កំពុង​ផ្ដោត​ប្រមូល​ទិន្នន័យ​ពី​តម្រូវ​ការ​វត្ថុធាតុ​ដើម​ ​និង​គ្រឿង​បរិក្ខារ​ប្រើប្រាស់​ជា​ប្រចាំ​របស់​ក្រុមហ៊ុន​ផ្លូវ​ដែក​ ​អាកាសយានដ្ឋាន​ ​និង​សាលា​បង្វឹក​ទ័ព​តាម​បណ្ដា​រដ្ឋ​ជា​ច្រើន​ ​ឲ្យ​ទៅ​រដ្ឋាភិបាល​ចិន​ដើម្បី​ផលិត​លក់​នូវ​ផលិត​ផល​ទាំង​នោះ៕

ទទួល​បាន​ព័ត៌មាន​ថ្មីៗ​ ​គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា​ Like Page Sabay News Technology...

អាន​អត្ថបទ​បន្ទាប់

• ៤ ចំណុច​នេះ​ចូល​​គ្នា នឹង​បង្កើត​បាន​ស្មាតហ្វូន​ដ៏​ល្អ​ឥត​ខ្ចោះ​មួយ​
• ក្រោយ​លក់​ទូរសព្ទធ្លាក់​ចុះ​ ​LG​ សម្រេច​​ប្ដូរ​ប្រធាន​ផ្នែក​ជា​ច្រើន​​រូប​ចេញ​ភ្លាមៗ

ប្រភព៖ Dpreview   ប្រែ​សម្រួល៖ រដ្ឋ