ចាងគីម បាត់មុខរាប់ឆ្នាំ ដល់បង្ហាញខ្លួនជាថ្មី បង្ករឿងភ្ញាក់ផ្អើលខ្លាំងហ្មង!

2017-12-02 04:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាសម្ដែង ដែលប្រជាជនកម្ពុជាស្គាល់ថាជា នាង "ចាងគីម” នោះបានបង្ហាញមុខលើវេទិកាដ៏ធំៗ MAMA ឆ្នាំ ២០១៧ នៅទីក្រុងហុងកុងកាលពីយប់ថ្ងៃទី ០១ ខែធ្នូម្សិលមិញនេះ។

តារាស្រី Lee Young Ae ឫ ចាងគីម បានស្ងាត់ពីពិភពសិល្បៈមួយរយៈធំ ប៉ុន្តែកាលពីដើមឆ្នាំ ២០១៧នាងក៏បានបង្ហាញខ្លួនជាថ្មីក្នុងរឿងភាគមួយមានចំណងជើងថា "Saimdang, Light's Diary” របស់ទូរទស្សន៍ SBS។ ជាក់ស្ដែង ក្នុងថ្ងៃប្រគល់ពានរង្វាន់ MAMA ឆ្នាំ ២០១៧នេះ នាងក៏បានបង្ហាញខ្លួនជាអ្នកប្រកាសឈ្មោះម្ចាស់ពាន "អាល់ប៊ុមល្អជាងគេប្រចាំឆ្នាំ ២០១៧” ដែលបានទៅលើក្រុម EXO។

អ្វីដែលកាន់តែពិសេសជាងនេះ មហាជនជាច្រើនមានការចាប់អារម្មណ៍ និងភ្ញាក់ផ្អើលជាខ្លាំង ពេលឃើញសម្រស់ឥតប្រែប្រួលរបស់ ចាងគីម។ ទោះបីមកដល់ឆ្នាំ ២០១៧នេះ នាងមានវ័យ ៤៦ ជិតចូល ៤៧ទៅហើយ តែរូបរាង និងសម្ផស្សវិញ រឹតតែស្អាតជាងមុនទៅទៀត។

អ្នកម្ដាយកូន ២រូបនេះ បានប្រឡូកចូលក្នុងវិស័យសិល្បៈកាលពីឆ្នាំ ១៩៩៣។ ភាពយន្តដែលនាំឲ្យ Young Ae មានភាពល្បីល្បាញខ្លាំងគួរឲ្យកត់សម្គាល់នោះគឺ "ជីវិតនាងចាងគីម” ដែលផលិតកាលពីឆ្នាំ ២០០៣។ ដោយឡែក នាងបានផ្ដាច់ខ្លួនពីសិល្បៈមួយរយៈធំ ពោលគឺចាប់ពីឆ្នាំ ២០០៥ រហូតដល់ឆ្នាំ ២០១៧ ទើបបង្ហាញមុខជាថ្មី៕