Alex Rendell បង្កាត់ភ្លើងស្នេហ៍ជាមួយបវរកញ្ញាឯកចក្រវាលថៃស្ងាត់ៗ?
- 2017-12-04 04:30:00
- ចំនួនមតិ 0 | ចំនួនចែករំលែក 0
Alex Rendell បង្កាត់ភ្លើងស្នេហ៍ជាមួយបវរកញ្ញាឯកចក្រវាលថៃស្ងាត់ៗ?
ចន្លោះមិនឃើញ
តារាប្រុស Alex Rendell ត្រូវបានស្គាល់ថាជាអតីតមិត្តប្រុសរបស់តារាសម្ដែង Toey Japinporn ហើយក្រោយបែកគ្នា លោកនៅមិនទាន់លេចឮដំណឹងស្នេហាជាមួយអ្នកណាទៀតទៀតឡើយ។
ដោយឡែករហូតមកដល់ពេលនេះ មានព័ត៌មានដ៏គួរឲ្យភ្ញាក់ផ្អើលមួយបានផ្ទុះឡើង ក្រោយពេល Alex បង្ហោះរូបភាពស្និទ្ធស្នាលជាមួយបវរកញ្ញាឯកចក្រវាលថៃ Maria Poonlertlarp លើគណនី Instagram កាលពីពេលថ្មីៗនេះ។ ពេលបានឃើញរូបនេះ បណ្ដាអ្នកគាំទ្រជាច្រើនមានការភ្ញាក់ផ្អើល ព្រោះតាំងពីបែកគ្នាជាមួយ Toey គេមិនដែលឃើញលោកបង្កើតភាពស្និទ្ធស្នាលជាមួយនារីណាឡើយ។
ទាក់ទងនឹងបញ្ហានេះ Alex ដែលជាសាមីខ្លួនក៏បាននិយាយដែរថា៖ "ជាការពិត យើងទាំង២ (លោក និង Maria) ស្គាល់គ្នាតាំងពីនៅក្មេង ហើយធ្លាប់ដើរក្រុមជាមួយគ្នាទៀត។ មានមនុស្សជាច្រើនចង់ដឹងខ្លាំងថាតើ ពួកយើងទាក់ទងស្នេហានឹងគ្នាមែន ឫត្រឹមជាមិត្តភ័ក្តិ ហើយណាមួយនាងខ្ពស់ជាងខ្ញុំខ្លាំង (សើច) ។ ជាមួយគ្នានោះ មានមិត្តភ័ក្តិជាច្រើនលើ Instagram ផ្គូផ្គងខ្ញុំជាមួយនាង។ ប៉ុន្តែជាក់ស្ដែង ខ្ញុំបង្ហោះរូបនោះ គ្រាន់តែបង្ហាញការគាំទ្រនាង ខណៈនាងប្រកួតក្នុងកម្មវិធី បវរកញ្ញាឯកចក្រវាលប៉ុណ្ណោះទេ។ ម្យ៉ាងវិញទៀត ក្នុងទូរសព្ទខ្ញុំ មានតែរូបខ្ញុំ និងនាងតែ១ប៉ុស្តិ៍នេះគត់ ដូចនេះហើយបានជាខ្ញុំបង្ហោះវា”។
ជាមួយគ្នានោះ Alex ក៏បានបញ្ជាក់ថា បច្ចុប្បន្ននេះ លោកមិនទាន់មានស្នេហាថ្មីនៅឡើយ ហើយក៏គ្មានមនុស្សសំខាន់ក្នុងបេះដូងដែរ និយាយឲ្យចំ គឺលោកនៅទំនេរនៅឡើយ៕