តាំងពីមាន App Store វិស្វករកម្មវិធីចិន កេីបលុយពី Apple មិនស្ទើរ

2017-12-04 23:37:40
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយកប្រតិបត្តិក្រុមហ៊ុន Apple លោក Tim Cook បានបញ្ជាក់ថាវិស្វករកម្មវិធី (Developer) ក្នុងប្រទេសចិន ប្រើប្រាស់ប្រព័ន្ធ iOS ខ្លួនកើនដល់ ១.៨ លាននាក់ ដែលរកចំណូលបានសរុប ១១២ ប៊ីលានយន់ ឬ ១៦.៩៣ ប៊ីលានដុល្លារ។

កន្លងទៅក្រុមហ៊ុនអាមេរិករងការរិះគន់យ៉ាងចាស់ដៃពីអ្នកប្រើប្រាស់ក្នុងស្រុកចិន ក្រោយសម្រេចដកចោលនូវកម្មវិធីផ្ញើសារមួយចំនួនចេញពី App Store និងការដកបណ្ដាញ VPN ដែលអាចជួយឲ្យអ្នកប្រើប្រាស់មានលទ្ធភាពប្រើលើសពី Great Firewall នៅក្នុងប្រទេស។ ថ្វីបើ Apple រាប់ប្រទេសចិនចូលជាទីផ្សារធំលំដាប់ទី ៣ របស់ខ្លួន ប៉ុន្តែចំណែកទីផ្សារក្នុងរយៈពេលប៉ុន្មានឆ្នាំចុងក្រោយ សង្កេតមានការធ្លាក់ចុះ ព្រោះតម្លៃលក់នៃ iPhone ម៉ូដែលនីមួយៗខ្ពស់ជ្រុលធៀបនឹងគូប្រជែងក្នុងស្រុក។

ស្របពេលឆ្នាំនេះ Cook ក៏ធ្វើទស្សនកិច្ចក្នុងប្រទេសចិនជាញឹកញាប់ រួមមានកាលពីខែតុលា ចូលជួបជាមួយប្រធានាធិបតីលោក Xi Jinping និងមេក្រុមហ៊ុនយក្សធំៗជាច្រើន សោតយ៉ាងដូចជាវត្តមានរបស់ CEO ក្រុមហ៊ុន Google បុរសឥណ្ឌា Sundar Pichai ជាដើម។